Registers van de Hollandse grafelijkheid 1299-1345

Heer Wouter pastoor van Amstelveen, heer Arnoud pastoor van Ouder-Amstel en Amelis van (Mijnden), knaap, verklaren dat ten overstaan van hen Jacob Mundolf heeft erkend dat hij van zijn neef Jacob Schrijver diens erf te Weesp en 1½ morgen land in Heer-Hadewaarsland heeft ontvangen, welk goed hij van de heer van Amstel in leen houdt, en waarmee hij ten overstaan van met name genoemde leenmannen zijn echtgenote Margareta heeft gelijftocht; daarna droeg ten overstaan van met name genoemde getuigen Jacob Schrijver de inkomsten van de 1½ morgen op aan Jacob Mundolf.

In de onderstaande tekst is Amelis van Muden (Muiden) wel te lezen als Amelis van Minden (Mijnden).

Vgl. nr. AW 12.

Wi hair Wouter die pape van Aemstelre vene^a ende hair Arnoud die pape van Out Aemstele ende Amelis^b van Muden knape doen verstaen allen den ghenen die desen brief zullen sien of horen lesen ende oirkonden mit desen brieve^c dat Jacob Mundolf^d voir ons quam en liet^e dat hi Jacobs Scrivers erve, sijns neven, hevet ontfaen dat gheleghen is over die Vecht toit Wesep, die anderhalf marghen lands die Jacob die Scriver cofte jeghens Tideloien^f die leghen in Heren Hadewairs^g lande, ende dat omme noits wille was, ende hi dair niet an en heft ende dat noch Jacobs Scrivers es, ende hiet hout^h van den here van Aemstele te leene; ende hiet Margrieten sinen wive te lijftocht heeft ghemaket voir manne die hier over wairen alse Amelisⁱ van Muden ende Ghisebrecht van den Damme, Gherard^j Lappe^k. Hierna beval Jacob die Scriver Jacob Mundolve sinen neve die renten op te^l nemen te sire behoef van den ander half marghen; hier over was scoute Ghisebrecht^m Lappe ende scepen Dieric over die Vecht ende Naghel van Vorkendrecht, Niclausⁿ uter Spic^o, Jan Arregon^p, Jacob Dibbarus, Lappe ende Mense van Wesip^q ende Smale Ghise Ghisebrecht Willaems sone, Jan Vorsenberch^r.

In oirkonde desen brieve beseghelt mit onsen zeghelen. Ghegheven^s int jaer uns Heren als men scrivet M° CC° ende XCIX des donresdaghes na sinte Niclaus^t dach.