Registers van de Hollandse grafelijkheid 1299-1345

Graaf Willem III verklaart dat de helft van de door Aleid Reiniersdr. nagelaten landen, waarvoor zij keurmedig was, door haar dochters Ave en Griet is aanvaard, maar dat haar zoon Roelof en diens zuster Fie, die niet keurmedig wilden worden, de andere helft aan hem hebben opgedragen, waarop hij Roelof diens deel, zijnde 1 morgen en 200 roeden land in Outersdorp in de parochie van Diemen, heeft verkocht; een deel van de koopsom zal worden aangewend voor Aleids testament en uitvaart.

Wi Willaem^a grave van Heynnegouwen^b, van Holland^c etc. maken cond etc. dat onse lieve ende ghetrouwe die biscop van Suden^d, onse rentemeyster van Aemstelreland^e, vercoft hevet Roelof Aleyden^f sone ene morghen ende twie hondert roeden lands^g alsoe als si gheleghen sijn tOutersdorp in den kerspel te Diemen, dat Aleyden Reyniers was die woende te Diemen, die onse coermiedighe wijf^h was van goede dat si obboerde van Kerstinen hare dochter die onse coermiedich wijfⁱ was. Ende dat wederdeil van desen voirseyden lande zoe hebben behouden deser Aleyden dochteren Ave ende Griete^j mid horen monbaren, ende dit voirscreven land soe hebben op ghedraghen ende quite ghescouden Roelof ende Fie sin suster med haren monbaer; want hem ane bestorven was van Aleyden hore moeder, sone wouden sijs niet opboren ende coermiedich worden. Mer^k desen voirs. Roelof coftet weder als voirs. es tenen vrien eyghen te behoudene omme twie ende twintich pond ende vijftien scellinghe goids ghelds, ^l den groten Tornoyse^m over twaelf peninghe gherekent; ende van desen ghelde soe sal weder ghaen voir Aleyden testamente ende uuttinghe zes pond ende vijftien scellinghe des voirseyden payments. Ende desen voirseyden coep gheloven wi stade te houden ende stadighen med desen brieve.

Ghegheven te Hairlemⁿ op sinte Katherinen^o dach int jaer ons Heren M° CCC° XXVIII°.