Registers van de Hollandse grafelijkheid 1299-1345

Graaf Willem III bevestigt de verkoop in vrij eigendom door Willem de Cuser, baljuw en rentmeester van Amstelland, aan Johan Pond, zoon van Frederik Honderdpond, van de goederen van wijlen Lobburch, dochter van Frederik, waarvan haar vader had afgezien omdat zij keurmedig was.

Willem^a grave^b van Heynnegouwen^c, van Holland^d ende here van Vriesland^e maken cont allen luden dat alsulc goed als Vrederic Hondert^f pont^g quite scout van synre dochter Lubburch, dair God die ziele of hebben moet, omme dat si coermiedech was, ende dat Willem^h die Cusere onse bailiu ende rentemeyster van den lande van Aemstelle Jehan Pontⁱ sinen sone vercoft hevet omme vijf ende sestich pont Hollands^j, dair hi Willem^k den Cusere^l of voldaen hevet, dat wi dat stade ende vaste houden ende op dreghen met desen brieve ten vryen eyghen.

In orconde desen brieve bezeghelt met onsen zeghele^m. Ghegheven in Middelburchⁿ des satersdaghes na sinte Lucas dach int jair ons Heren M° CCC° vier ende dortich.