Registers van de Hollandse grafelijkheid 1299-1345

Graaf Willem III, die zijn geschillen met de goede lieden van Mechelen heeft bijgelegd, licht enkele punten uit die overeenkomst toe.

De onderstaande tekst lijkt eerder een opsomming te geven van (punten uit) het vredesverdag dan een toelichting daarop. Mogelijk zijn er tekstdelen overgeslagen; dat zou bijvoorbeeld in de datumregel het geval kunnen zijn.

Vgl. de volgende nrs. BR 2 en 3, alsmede nrs. BR 4-7.

De onderstaande tekst is gebaseerd op afschrift B.

Wi^a Willaem grave^b van Heynnegouwen^c etc.^d maken cond allen luden dat wi ghemeenlike met allen den goeden luden van^e der stat van Machlen over een ghedraghen sien van allen ghebrecke die wi anth^f op hem te zegghen hadden ende wi hem tesscende^g waren, dat die pointe som hier na verclaert sien. Int eerste van der helpe^h die si on beloveden alse van des biscops ⁱ deel van Ludike van der stat van Machlen, erst^j wonnen. Item van der helpe die si ons dair beloveden alse van heren Florens^k Bertouts^l deel van der stat van Machlen, jeghens hem costen. Item van den ghelde dat hair Ghisebrecht^m van Yselsteyneⁿ, hair Arnoud van Bonland^o ende Arnoud Ghisen sone elc met sinen luden verteerden op ons, die stat ende die goede lude van Machlen te houden ende te bescermen jeghens hore vyande, welc ghelt ende cost wi selve goeden. Item van der vete^p van her Jans Vilains doet, dar wi om horen wille incomen sijn ende dair wi ons selven in quiten moeten: ende et is^q onse wille wel dat her Florens^r Berthout^s buiten onsen coste bejaghe der stat ende den goeden luden pays voirseyd jeghens her Jans Vilains maghen. Item van den ghelde dat wi betailden den here van Valkenburch voir Heynric^t Vlaminc^u ende Gherard^v van Ripelmonde, poirters van Machlen, die wi jeghens den here van Valkenburch verborcht hadden bi versoeken ende bi bede van der stat voirseyd, ende van den coste die wire omme deden om die zaken willen ende omme menighen^w anderen. Ende hebben allen den goeden luden van der stat van Machlen van allen desen voirnoemden pointen ende van allen anderen eysche die wi op hem te segghen hadden of hem eyschen^x mochten tot op den dach van hede vrielike quite ghescouden, ende quite scelden voir ons ende voir onse nacomelinghe hem ende horen nacomelinghen; ende hebbense tot onser goeder vrienscap ontfaen.

Ende om dat wi willen dat die zaken voirseyd vast, zeker ende ghestade bliven ende wel ghehouden van ons ende van onsen nacomelinghen, hebben wi hen desen open brief ghegheven bezeghelt met onsen zeghele, binnen Dordrecht^y des donresdaghes op sinte Lucas dach int jaer ons Heren M CCC ende neghentiene.