Registers van de Hollandse grafelijkheid 1299-1345

Graaf Willem III, die de gemene stad en de goede lieden van Mechelen in zijn vriendschap heeft aangenomen, verleent hun tot wederroepens een vrijgeleide voor al hun goederen en koopwaar in al zijn landen.

Vgl. nrs. BR 1 en 3-7.

De onderstaande tekst is gebaseerd op afschrift B.

Wi Willaem^a grave^b van Heynnegouwen^c etc. maken cond ende kenlic allen luden dat die ghemene stat ende alle die goede lude van Machlen^d tot onser vrienscape comen sijn van allen zaken die wi op hem te segghen hadden jof eyschen mochten op den dach van huden, war omme wi willen dat alle die goede luden ende coemans van Machlen varen moghen, bliven ende keren met horen goede ende met hore coemanscap rustelike doir alle onse lande, onghemoyt ende onghelet, met hore rechter tolne, sonder archlist; ende dit gheleyde zal gheduren tot diere tijd toe dat wijt hem met redeliken zaken wederzegghen zullen.

In oirkonde desen brieve bezeghelt met onsen zeghele^e. Ghegheven Tordrecht^f op sinte Lucas dach int jaer ons Heren M CCC ende XIX^g.