Registers van de Hollandse grafelijkheid 1299-1345

Graaf Willem III kent aan Halsteen Marcelisz. die met diens echtgenote Elizabeth Genendr. hun woning te Bergen op Zoom tot een open herberg heeft gemaakt voor hem, zijn echtgenote en hun kinderen, met stalling voor 30 paarden, 30 bedden, verlichting, brandstof en keukengerei op hun eigen kosten en graan en hooi tegen redelijke prijs, als tegenprestatie het knapenlivrei toe en belooft hem als zijn knaap en waard te zullen bijstaan.

Vgl. het voorafgaande nr. BR 22.

Wi Willem^b grave^c etc. maken cont allen luden. Want ons Alsteen^d Marcelijs^e sone ende Lisebeth^f sijn wijf haren goden wille ghetoghet hebben, ende om den dients^g ende die hoveschede die si ons vor hem ende vor haren nacomelinghe belovet hebben te done, ende doen^h sullen in deser manieren als hier na volghet: dat es te wetene dat si hare husinghe die si tot Berghenⁱ up den Zoem hebben, legghende tuschen Gheertruyt^j Boudwijns^k ende den vleyschuyse ende den stratekijn achter dat vleyschuys, also groet als si nu^l es, altoes bereyden sullen ende houden onse open herberghe te wesen, ons ende onser liever ghesellinen der gravinnen van Heynegouwen^m, van Hollandⁿ, van Zeland^o ende vrouwe van Vriesland, ende onser kindere, ende des ghelike onsen nacomelinghen^p graven van Heynegouwen^q, van Holland^r, van Zeland^s ende here^t van Vrieseland^u, sonder arghelist, ende binnen deser herberghe vorscreven sullen si ons leveren sonder onsen cost stallinghe ende litier tote XXX parden toe, ende al haer corn ende hare hoy dat wi besighen sullen, dat sullen wi hem ghelden also^v als onsen ambochts lude redelijc denken sal; voert soe sellen si ons leveren rotine kersen in den stal ende borninghe in der cokene ende in der camer, ende si sullen ^w leveren ons XXX bedden ghestoffiert met slapelaken ende dekene, vate, potte^x ende ketele in dier cokene, tafelaken, nappen, dualen ende kannen alst der herberghe toe behoren, sonder enighen cost of te rekenen^y jof hoveschede van rechte, alsoe als si ons belovet hebben bi haren brieve die si ons daer of ghegheven hebben; so hebben wi Alsteene^z vors. te sinen live, ende na siere doit enen van sinen nacomelinghe die besitter wesen sal van der herberghen vors., ghelovet ende gheloven met desen brieve te gheven onse knapen cledere alse dicke als wi onse knapen ter rechte livereye cleden sullen, ende dit hebben wi hem ende sinen nacomelinghen belovet ewelike vaste ende ghestade te houden in alre manieren alst vorsproken es, ende hebben hem ghelovet te bescarmen ende te helpen in allen dinghen daer wise scoudich sien in te helpen metten rechte gheliken onsen knape ende onsen waert; ende daer in verbinden wi ons ende onse erfnamen graven van Henegouwen^a', van Holland^b', van Zeland^c' ende here van Vreseland^d'.

In orconde etc. Ghegheven tote Zirxe^e' des sonnendaghes ^f' vor half meye int jaer ons Heren M CCC vier ende twintich.