Registers van de Hollandse grafelijkheid 1299-1345

Reinoud II, graaf van Gelre en Zutphen, en graaf (Lodewijk I) van Vlaanderen bevestigen de nader omschreven regelingen in verschillende twisten tussen enerzijds zij zelf, de bisschop van Luik, graaf Willem III en de graaf van Gulik en anderzijds hertog (Jan III) van Brabant, en stellen een dag vast waarop te Cambrai onder leiding van met name genoemde afgevaardigden van de koning van Frankrijk daarover verder zal worden onderhandeld.

Nous Renals cuens de Ghelre et de Zuytphen^a faysons savoir a tous que nous lan M CCC trente et trois, le venredy apres Quasimodo, le cuens de Flandres^b, nos chers cousins, et nous desimes, accordames et sayellames de nos sayels a Mallines le traitiet et accort contenant de mot a mot le fourme ki sensiet.

Il est traitiet et accordét entre nous conte de Flandres et nous conte de Ghelre des controversies et debas qui ont estét et encore sont entre haus hommes et poissans levesque de Liege, le conte de Haynnau^c et nous conte de Gelre dessus nommét, conte de Julers, tant comme conke cascun singulerement, encontre haut prinche et noble le duc de Braband^d, de Lotheringhe^e et de Lembourch^f pour bien de pays, en le fourme et maniere qui ensieut.

Primerement que le dit et^g lordinance que treshaus et excellens princes, nostre sires li roys de France, a dit u fait entre les dis evesque et duc seront acomplis et mis a effect sans delay, selonc^h chou quil seront monstrét per escrit. Et des autres debas qui sont entre eux, dont li dis nostre sires sest cargies et des quels fins nest mie faite par luy ne determinations, il estⁱ a savoir les dis evesque et dux se accorderont amiablement, sil^j leur plaist et il pueent en boine maniere par yaus u par leur gent, entre chi et le dymence devant le Penthecoste^k. Et si entre chi et chel jour il ne sont a accord[e]^l amiable de tout u de partie, il raporteront leur descord a Cambray au jour dessusnommét par devant reverend pere en Dieu levesque dArras et monsieur Hue Kieret, a chou commis de par le roy nostre signeur, li quel sans delay iront avant ens coses qui demorront en debat, dont li dis nostre signeur est cargies, et ycelles appaiseront u dertermineront de par le dit nostre sires selonc^m chou quil appartendra.

De rechief est traitiet que par raison des debas qui sont entre le duc de Braband et le conte de Haynnau dessusdis, dont nous veyonsⁿ quil estoit apparant que grandes esmuetes et guerres sesmonneroient^o, que au^p conte de Haynnau sera delivree ma damoiselle de Braiband^q, ainsnee fille dou dit duc, espeuse de Guillaume^r de Haynnau, ainsnét fil dou dit conte, pour y estre [en]^s la compaingnie dou dit Willaume^{t u} comme sa femme et espouse, la quele on li avoit pluseurs fois refusee, [a deliv]erer si comme li dis contes et sa gent maintienent; et pour chou ossi que li dis contes [se teno]it mal payiés dou dit duc de aucunes convenenches qui avoient estét faites entre^v yaus [per rais]on dou^w mariage^x parvenir entre Jehan de Braiband^y, ainsnee fil dou dit duc, et damoselle [Ysabie]l, fille dou dit conte, acomplir en^z temps de leur eages sus paines, les quels temps li dis dux [navoi]t mie attendu^a', ains avoit mariét le dit Jehan en autre lieu. Pour les quels coses et toutes autres entre yaus appaisier et boine amour nourir entre yaus, considerans ossi le mariage dou dit Guillaume, ainsnee fil dou dit conte, et de ma damoiselle Jehanne, ainsnee fille dou dit duc, yestre mult petit selonc le qualitét des persones en accroissant le dit mariage que li dux dovra encore au dit Guillaume trente chinc mille lib. Tournoys^b', le royal dour comptét pour vint s. Tournoys^c', pour ent faire sa volentét^d'; les quels XXXV^M lib. seront paijés a deus ans, cest a savoir au Noel prochain venant XV^M lib., au Noel ensuiwant lan XXXIIII XV^M lib., et a Pasques ensuiwant^e' V^M lib. Et pour tant li dis cuens de Haynnau dovra boines lettres de quitance au dit duc de toutes convenenches et promesses quelconques, especialment pour cause dou dit mariage dou dit Jehan^f' fil dou dit duc et de la dite damoiselle fille dou dit conte, de toutes paines et sairemens^g' a chou entrevenues, et sen tenra a paijer^h' dou dit duc en toutes coses pour cause des dittes convenences non acomplies. Et toutes lettres sour chou faites dune part et dautre seront rendues, et ossi les alloyances qui estoient faites entre le dit duc et conte demorront nulles, et enquitera li uns lautre; les convenences dou mariage dou dit Willaume^i' et de ma ditte damoiselle sa femme demorans en leur viertut, faisant et acomplissant entirement tout chou qui dedens est contenut, si com il appartient.

Item entre nous a estét traitiet de chou que nous contes de Gelre avons a faire au dit duc, quele traitiet qui a estét fais des gens dou dit duc et de nous conte de Ghelre^j' sera tenus et wardés; et se aucune cose y est u demeure en dissention, che sera determinét et ordenét par nous conte de Flandres selonc nostre dit, ordinance u volentét tant seulement.

Item a estét traitiet entre nous de chou que le conte de Julers avoit a faire au dit duc, et quil se doloit de luy. Primierement pour les tors quil li faisoit en la terre que li dis contes tient dou dit duc, dont li dis contes maintient avoir boins privilegis comment et en quel maniere il le doit tenir, selonc chou que ses predecesseurs et chil de cui il a cause le tenoient, que li dis dux li soufferra a tenir selonc la teneur des dis^k' privileges et chelonc chou ke cheus la tenoient, dont il a cause et devoient tenir par raison.

Item pour chou que li dux voloit ravoir la ville de Levenich et les appandances par raccat, dont li dis contes se doloit en disant quil ne lanpooit ne devoit raccater, est traitiet que se li dux puet monstrer par lettres u par autres boines raiso[ns quil peuyst faire]^l' le dit raccat, il li sera sauf; et sil ne le^m' puet monstrer, elle demeurre au dit conte de Jul[er]s, si comme elle a fait dusques a ore.

Item encore est il traitiet pour oster toutes occasions de riote^n', guerre u dissention pour le temps avenir, que les gen[s] le roy nostre sires deveront requerir le dit duc, la quele requeste les dittes gens dou roy nostre signeur acompliront que messires Conras de Lescleyde et messires Sconeman^o', chevalier, des quels li dux se tient a mal paijés et tient en guerre, av[e]ront triuwés dou dit duc deus ans ou environ^p', fors de[s] ducés et terres dou duc dessusdit, et [n]on es dittes terres et ducés dou dit duc.

Encore est il ac[cordét] pour ces meismes causes que li contes de Ghelre^q' priera et requerra amiablement [au] dit [duc] quil ne voelle^r' raccaccer^s' ens es^t' terres, contés u signeries dessusdis^u' nous contes de Gelre et conte[ de] Julers, villes, castiaus ne^v' terres engagies par ^w' les empereurs u roy [dA]lemai[gne^x'], pour nul don ne grace que empereres ne^y' roys li puissent faire. Et [nous contes de Flandres] dessusdis chou devons faire ottroyer^z' as dessusdis dusques as douze ans, et de chou [faire et donner lettres^a'' par] le dit duc, nostre cosin, as dessusdis, pensi que iceles et samblables conven[ences] et lettres [il dovent^b'' au] duc dessusdit.

Et pour chel dit et ordinance dire, prononcier, faire te[nier], asseu[rer et publijer^c''], assignons nous journee as dessusdis a Cambray le dymence devant le Penthec[o]st[e, se par nous] nest rallongie le ditte journee de nostre commuin accord pour empechement de maladie[ de lun de] nous, en prolongant entre yaus les souffrances ou attenances ou point quelle[s sont a present.] Et a^d'' chou et^e'' a toutes autres coses chi dessus contenues faire tenir et acomplir par les dessus[dis], nous obligons et nous faisons fors et sousprendons les parties dessusdites, nous contes de Flan[dres], le duc dessusdit et nous contes de Ghelre^f'', les autres devant nommés^g'' et leur alloyés et aherdans^h'', dusques a jour de le saint Jehan baptiste^i'' prochaine venant, et celui jour tout entierement, le compromis des dessusnommés et de leur alloyés fait en no signeur le roy de Franche sour autres cas chi non expressés u ^j'' ordenés demorant on sa force et en vertu.

Ches coses furent ensi faites et traities a Mallines le venredy appres Quasimodo^k'', presens reverend pere en Dieu le evesque dArras et monsieur Hue Kieret, envoyés de par le roy de Franche^l'' no signeur, monsieur Henri de Flandres, conte de Lodes^m'', et messires Guillaume dAusonne. En tiesmoing de veritét nous conte dessusdit avons mis ^n'' a ces presentes lettres nos sayals. Donnees le venredy dessusdit, lan de grace mil trois cens trente et trois. Et nous cuens de Ghelre^o'' dessusdis avons nostre seel mis et pendut a cest present transcrit en tiesmoignage de veritét. Donnees lan et le jour dessusdis.