Registers van de Hollandse grafelijkheid 1299-1345

Reinoud heer van Montjoie en Valkenburg, die met hertog Jan III van Brabant is overeengekomen dat hij zich vóór 1 augustus eerstkomend in Genappe in diens gevangenschap zal begeven, op straffe van onder meer 20.000 pond Tournois, waarvoor graaf Willem III zich samen met heer Adolf bisschop van Luik en heer Reinoud oudste zoon van de graaf van Gelre borg heeft gesteld, belooft de graaf alle schade en kosten te zullen vergoeden die deze in verband hiermee zou kunnen hebben, waartoe hij al zijn goederen als onderpand stelt.

Vgl. nr. DE 22 en het volgende nr. 33.

De originele oorkonde berust in het Rijksarchief te Mons: Wymans, Inventaire comtes de Hainaut, p. 128, nr. 570.

Au tous chiaus qui ces presentes lettres verront et oront, Renaus sires de Monjoie^a et de Faukemont salut et connissance de veritee. Savoir faisons a tous que comme ensi soit ke nous aions^b en convent a haut prinche, nostre chier et amei signeur^c Jehan^d par le grasce de Dieu duc de Lotronghe^e, de Brabant^f et de Lemborch de revenier et retorner et de nous restablir^g et remetre en se^h prison dedens se fortereche de son castiel de Genapes en Brabantⁱ dedens le saint Piere ki vint prochainement aoust entrant^j sour le paine de vint mil lib. denoirs Tournoys^k et sour plusieurs^l autres paines, contenues ens es lettres sour chou faites, et nos chiers et ames sires et mesires Guillaumes^m contes de Haynnautⁿ, de Hollande^o etc. nous ait replegiet de le somme des vint mile lib. devant dites avoukes nos chiers et ames signeurs^p nostre sire Adoulf, par le grasce de Dieu evesque de Liege, et nostre sire Reynoud, aysnet fil au conte de Gelre, savoir volons a tous ke nous prometons et avons en convent loyaulment en boine foy et par no foyt et nos sacremens^q prestes par nos pour chou corperelment tonkiet les saintes ewangiles que nous gieterons^r et deliverrons le devant dit nostre sire de Haynnaut^s et les siens de ledite plegerie de tous damages, de tous cous et de tous frais que il et li sien aroient, eut et soffeirt u caicourroient^t en loccoison de ledit plegerie^u; et avoeke tout chou en obligons nous pour le dite plegerie et pour les damage et les frais que il iaroit, eut il et li sien nous, nos hoirs tous nos biens, meubles et non meubles, presens et avenier, quel que il soient, et que les puist prendre et desprendre par lui u par autruui^v quels que il vairoit, sans nulle male amour, dusques^w a plaine et entire satisfaction des dites plegeries et damages que il et li sien aroient, eut et sostenut, en quelconque^x maniere que che fuist, sans malengien. Et pour chou que nous ne puissons diere ne venier contre les conveneches deseure dites, par quelconque^y maniere que che soit, nous renonchons et toutes exeptions et defenses et de fait et de droit, et que nous^z ne puissons dire que nous avons fait les dites convenenches par forche ne par cremiet ne per destrece de prison et a toutes autres, queles quelles soient, par les queles nous peiemes venier faire u dire encombrer u enpeechier par nous u par autrui, en tout u en partie, les convenenches deseure dites.

Et pour chou que toutes les coses deseure dites soient fermes et estables pour nous et pour nos hoirs, nous avons ces presentes lettres seelees de nostre propre seel. Qui furent faites et donnees lan de grasce M^o C^oC^oC^o XXV, lendemain dou jour sainte Katherine^a'.