Registers van de Hollandse grafelijkheid 1299-1345

Graaf Willem III, die in verband met zijn borgstelling voor de heer van Valkenburg jegens hertog Jan III van Brabant op zijn kosten vier ridders zal laten inliggen in Leuven, maar op zijn verzoek van de hertog daartoe uitstel had gekregen tot 22 maart eerstkomend, belooft op die datum die vier ridders of gelijkwaardige personen te zullen sturen wanneer hij dan niet heeft voldaan aan zijn verplichtingen jegens de hertog die voortvloeien uit die borgstelling.

Vgl. nrs. DE 22 en 32 alsmede nr. HE 56.

A tous chiaus qui ces presentes lettres veront et oront, Guillaumes^b cuens de Haynnaut^c etc. salut et connissance de veritet. Comme en loccoison de no cousin le signeur de Faukemont^d nous soions plegie debtuer envers haut^e prinche et poissant no chier et amei cousin J., par le grasce de Dieu duc de Loiringhes^f, de Brabant^g et de Lembourg^h, daucuns convens tenir et a emplier si comme il est plus plainement contenut es lettres sour ce faites, es queles nous nos sommes obligiet, ke nos dis cousins li dus a par devers luy, pour les queles dessusdis convens il aient jeut en se ville de Louvaing quatre chevalier a nos frais; et nos dessusdis cousins li dus a no priereⁱ et pour nous a oster de frais nous ait recreut et fait grasce doster les dis IIII chevaliers jusques au dymenge ke on cantera Letare ke on appielle le Mi quarasme^j le plus prochain ke nous attendons, nous avons enconvent loilment en boine foy ke se dedens ceste grace durant nous navons tant fait envers no dessusdit cousin le duc quil se tienge a paijét et a content de nous des devant dis convens, ke nous renvoierons le dit dymenche les dis quatre chevaliers, u autres quatre ossi soffissant, gesir a nos frais en se dite ville, sans fraude et sans malengien, en le forme et en le maniere que nous devons et que nous sommes tenut de faire par le vertut de nos lettres obligatores^k et des convens dessus nommés, ke nous avons a no chier et amei cousin le duc devant dit.

Par le tiesmoing de ces lettres saielees de no seel. Donné le joedy apres le jour saint Nicolay en yvier en lan de grasce M^o C^oC^oC^o XXVI^o.