Registers van de Hollandse grafelijkheid 1299-1345

Graaf Willem III, vernomen hebbende dat de pastoor van Hippolytushoef zich misdraagt jegens diens parochianen, ontneemt hem de 5 pond Hollands per jaar uit lammertiende die hij hem eerder als gunst had toegewezen bij zijn uitspraak in een geschil tussen de genoemde pastoor en de gemene buren van die plaats; hij gelast zijn schout van Wieringen de betreffende 5 pond te innen en onder zich te houden tot er een nieuwe bestemming voor is gevonden.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem^a grave^b van Henegouwen^c etc. maken cond allen luden: want een twi was tusken den persoenre van Ypolshove op die ene^d zide ende den ghemeenen buren van Ypolshove^e op die ander zide alse van den dike ende van den smaltiende van den kerspel voers., daer beide partien op ons bleven waren, daer wi onse segghen hier te voren of gheseghet hebben met onsen brieven dat die persoenre voernoemt diken soude ghelike den buren van al den kercliken lande dat hi hout van den kerspele voers., roede roede ghelijc, gaerde gaerdelike^f ende mat mats ghelike, ende dat die persoenre van Ypolshove hebben soude van dien lam tiende alle jare te meye daghe^g vijf. lb. Hollands^h, niet van rechte mar op ghenade, tote onsen wedersegghen ende niet langher, also alse onse open brief van onsen segghen daer of hout; ende omme dat wi verstaen hebben dat hem die persoenre voers. niet wel en scept jeghens sinen prochghianen ende hi hem suaer es, soe weder roepen wi hem die vijf pond Hollandsⁱ sjaers van den lam tiende die wi hem toe gheseghet hadden op ghenaden, ende willen dat hise niet meer en hebbe; ende onbieden onsen scoute van Wiringherland^j dat hi die vijf pond van den lam tiende alle jare ontfanghe te meye daghe tote onsen wedersegghen, want wi willen dat hi tghelt voers. onder hem houde tote dat wi hem onse goedenken daer of segghen sullen.

In orkonde etc. Ghegheven te Valechijn^k op sinte Mathijs dach int jaer ons Heren M CCC ende twintich.