B
Graaf Willem III geeft de Friezen van Westergo en Staveren vrijgeleide gedurende de maand mei, om met ten hoogste zestig personen op 13 mei naar Haarlem te komen voor overleg.
Geleyde voir die van Westergoa ende van Staverenb.
Wi Willemc grave etc. maken cond allen luden dat wi ghegheven hebben ende gheven met desen brieve zeker ende vaste gheleyde den Vriesen van Westerghod ende der stede van Staverene tote tsestich persone toe joef dar binnen, het sie ghestelike jof warlike, hoe dat zi willen, toe einen daghe te comen tote Harlemf des XIIII daghes na den eerste meye dach na comende, jeghens onse lude die wi daer senden zullen; ende dit gheleyde zal inghaen op den eirsten meye dach ende duren toteg lesten meye dach toe naest comende, sonder arglijst.
In orconde etc. Ghegheven tot Zirixeeh des eersten sonnedaghs na Paesdach int jaer ons Heren M CCC XXVII.
Per dominum comitem et commune consilium.