Registers van de Hollandse grafelijkheid 1299-1345

Graaf Willem III geeft Lemmekijn Top en diens gezellen toestemming de Friezen, die 's graven vijanden zijn, te water te beroven zonder ze te doden; op het land gevluchte Friezen dienen overgedragen te worden aan de baljuw of de rechter ter plaatse.

Wi Willaem^b etc. maken cond allen ^c dat wi oirlof ghegheven hebben ende gheven met desen brieve Lemmekijn Top ende sinen ghesellen te panden ende scade te doene op die Vriesen die onse^d viande sien, sonder yement doet te slane; ende wat goed dat zi op hem winnen int water, dat willen wi dat zi behouden. Ende wair dat zake dat zize jagheden^e int water alzoe dat zi hem op tland ontvloghen, zoe willen wi dat zize dair ter steden bezetten moghen; ende wat vanghen dat zi vaen, die sullen si in levenden live brenghen onder onsen baeliu jof onder onsen rechter onder wes bedrijf dat zize vaen. Dit zal gheduren tonzen weder zegghen.

Ghegheven tote Bimch^f des manendaghes na sint Lucien dach int jaer ons Heren dusend CCC^o XXVII^o

.