Registers van de Hollandse grafelijkheid 1299-1345

Graaf Willem III verordonneert met instemming van zijn goede lieden van Kennemerland, Waterland en West-Friesland de aanleg van een inlaagdijk van Medemblik via het Zand bij Almersdorp naar de zeedijk, bepaalt de financiering ervan, en regelt nog enige dijkzaken in West-Friesland; de grafelijke Raad zal toezicht houden op de uitvoering van een en ander.

Zie ook de voorafgaande oorkonde nr. FR 108 in het register, van dezelfde datum maar uitgevaardigd te Haarlem. Uit het itinerarium van graaf Willem III blijkt dat hij op 26 november en ook op 2 december te Haarlem verbleef; er is evenwel een hiaat op 28 november-1 december, dus een verplaatsing naar Den Haag op de 27ste, waarna hij op een van de volgende dagen weer naar Haarlem ging, is niet onmogelijk. Maar wellicht berust de lokalisering in Den Haag op een vergissing van een scribent, gezien de bij de rechtshandeling betrokken partijen.

Wi Willaem^b grave van Heynnegouwen^c etc. maken cond etc. dat wi omme noyt^d van onsen lande van Vriesland^e mid onsen ghemeenen Raede over een ghedraghen sijn bi wilcore onser goeder lude ghemeenlike van Kenemaerland^f, van Waterland^g ende van Vriesland^h alse dat men ene inlaghe legghen sal achter Medenblekeⁱ tote den Sande^j toe van Almairsdorp, ende van den Sande^k tote den zeedijc toe, alsoe alsen onse Raed scieren ende merken sal. Ende van der inlaghe segghen wi te makene die van Kenemaerland^l een vierendeil, die van Waterland ende van den Zeevanc een verendeil, die van Drechterland een verendeil, ende die van Gheestman^m ambocht een verendeil mid dien van Scagherⁿ ambocht dien onse baeliu ende onse rentemeester denct dat vermoeghen, ende die van Honic ambocht, van Gispe, van Wermer^o ende van Hicke een verendeil.

Vort sullen die van Outwouder ambocht^p ende die van Niedorp horen ouden dijc maken alsoe alsen die^q baeliu ende die dijcgrave mid den ghesuoren koren sullen. Voirt ghebieden wi elken man ghescuut te wesen vor Kersavonde naest comende, alsoe als hem gheboden es, ende die scuten een jaer te houden. Vort zal onse Raed op die inlaghe comen in sinte Gheerden daghe^r naest comende ende dien dijc scieren, ende onbieden onsen luden uut elken verendeil voirscreven dat si op die tijd vier manne uut elken vierendeil dair hebben dien dijc te kavelen ende ane te nemen. Vort sel elc man sinen dijc beghenen^s te maken op den eersten meye dach naest comende, alsoe groet alsen onse Raed scieren sal, ende te sulken daghen volmaect te wesen als sien setten sullen.

In orkonde desen brieve bezegheld med onsen zeghele^t. Ghegheven^u in die Haghe des sonnendaghes nae sinte Katherinen^v dach int jaer ons Heren M^o CCC^o acht ende twintich.