Registers van de Hollandse grafelijkheid 1299-1345

Graaf Willem III beleent Hazekijn Willemsdr. van Assendelft, echtgenote van Hein Rode, met de kleinste helft van enkele nader omschreven goederen, voor haar lijftocht.

Wi Willaem^a grave^b van Heynnegouwen^c etc. maken cond etc. dat wi hebben verliet ende verlyen Hasekine Willaems^d dochter van Assendelf, Heine^e Roeden wijf, tote hoire lijftochte die minre helfte van allen goede dat hier na ghescreven staet, alsoe na als mense hoir maken mach. In den eersten eene weide die gheheeten es Cruyshem ende gheleghen is bi Outorper overtoem; voirt neghen want lands die gheleghen sijn bi der Reker, die Doeve Heynen sone, Heyne Roeden vader, plach te houden van Janne van Berghen ende Heyne Roede voirs. nu te tide^f van ons hout te leene; voirt die molenwint ende die molen tAkersloete^g.

Omme dat willen dat dit vaste ende ghestade blive, so hebben wi desen brief beseghelt mit onsen seghele. Ghegheven des dinxendaghes voir meyedach int jair ons Heren M CCC drie ende dortich.