Registers van de Hollandse grafelijkheid 1299-1345

Graaf Willem III verleent abt en convent van Klaarkamp tolvrijheid in zijn landen, ook wanneer hij in staat van oorlog met de Friezen is.

Willem^b grave^c etc. maken cond etc. dat wi den ..abt^d ende den convente van Clerecampe in Oystvriesland^e te gracie ghedaen hebben dat si alsulc goid als si behoeven tot hors selves provance ende tot horen coste in horen closter mede te doene voiren moghen doir onse lande ende voir bi onse tolne, sonder eenighe tollen darof te gheven; ende al war dat sake datter eenighe orloghe viele tuschen ons ende die van Oystvriesland^f, nochtan souden si mid hore provanche varen moghen dor onse lande alse vorscreven es, sonder archlist; ende al gheduren tot onsen weder segghen.

In orkonde etc. Ghegheven in den Haghe des sonnendaghes vor sente Michiels dach int jair ons Heren M^o CCC^o drie ende dortich.