B
Graaf Willem III doet uitspraak in een geschil tussen de burgers van Staveren en Jan Rost, burger van Lübeck of Dortmund, wiens twaalf bodem was zij geconfisqueerd hadden.
De eodem.a
Wi Willaemb gravec etc. maken cond allen luden. Want in den oirloghe dat onse stede van Staverend ghehad heeft jeghens die stede van Lubeke onse burghers van Staverene voirs. Jan Rosts goed op ghehouden hebben, ende segghen dat hi es burgher te Lubeke ende dat dat goed dat si hem ghenomen hebben toe behoirt burgher van Lubeke, ende hi seghet dat hi es burgher te Dertmondef ende niet te Lubeke, ende dat dat goed dat si hem ghenomen hebben sine es ende niement toe en behoirt van Lubeke; des si van beyden ziden an ons ghebleven sijn, dair onse stede van Stavereng ons seker of ghedaen heeft mit hoiren openen brieve, ende Rost ons borghen gheset heefth op eene pene van tien pond groeten, onse segghen dair of te houden, wair of wi wel beraden onse segghen uten. In den eersten dat die Raed ende die raedmeysters van Dertmonde bi hoiren eede ende mit hoiren opene brieve wair maken sullen dat Jan Rost op die tijd doene die van Stavereni op helden burgher was te Dertmonde ende ghien burgher en was te Lubeke, ende dat die twaelf bodemj was die hem die van Staverenk namen sijns selves waren ende niemend van Lubeke toe en behoirden, jof scriven in hoire brieve van stucke te stucke wien toe behoirde van Dermondel: steken si yet buten, dat sullen die van Staverenm onder behouden; est dier van Lubeke, soe salt dien van Staverenn bliven; est van anderen steden, soe sullen siere mede doen onse goeddencken. Ende Jan voirs. sal overveede doen ende die stede ende die burghers van Stavereno ende hoire hulpers quite scelden mit der stat brieve van Dertmondep voirscreven, ende hier bi sal men hem sijn was weder leveren alse groet als die stat van Dertmonde kennen sal alst voirscreven es dat was van hoire stede es, te twaelf bodem toe ende niet dair boven. Ende ware yemend van der ere side jof van der ander die hier archlist in besighede, q die soude ons dat verbeteren toit ons selves goeddencken. Ende hier bi segghen wi eene goede soene tuschen den partyen voirscreven, op die pene voirnoemt; ende soe wat sonderlinghe persone die soene brake, die verbuerde sijn lijf, ende dat soude staen toit onserr proeven met wien wi wilden. Ende wair die persone van Staverens die ons dochte dat die zoene te broeken hadde, dat souden wi over scriven onser stede van Staverent ende die souder over rechten op die pene voirscreven; brakese Jan Rost voirscreven jof sine hulperen, dair souden sine borghen over doen rechten op die pene voirscreven. Ende alle stucken voirscreven sonder archlist.
In orconde desen brieve beseghelt met onsen zeghelu. Ghegheven op sente Lucas dach ewangelisten int jaer ons Heren dusend driehondert drie ende dertich.