Registers van de Hollandse grafelijkheid 1299-1345

Jan van Henegouwen, heer van Beaumont, en Hendrik van Vlaanderen, graaf van Lodi, beloven vóór 26 oktober te Woudrichem uitspraak te zullen doen in de geschillen tussen bisschop Frederik II van Utrecht en graaf Willem III enerzijds en die van Lienden anderzijds, tussen de bisschop en de graaf enerzijds en Reinoud van Gelre anderzijds, en tussen Reinoud en die van Lienden enerzijds en Walraven van Benthem, Jan van Noordeloos, (Gerard van Waardenburg) en Stasekijn van Brakel anderzijds, met de bepaling dat wanneer zij tweeën binnen 14 dagen niet tot overeenstemming kunnen komen, zij een derde scheidsman met beslissende stem zullen kiezen.

Voor de in de tekst aangekondigde uitspraak zie nr. GE 2; vgl. voorts nrs. GE 4, 6 en 7.

Wi Jan van Heynnegouwen^c ende here van Bemond ende Heynric van Vlaendren, grave van Belen^d, maken cond etc. dat wi aneghenomen hebben te soenen alden twist ende alle broke ende eyske die here^e Vredric^f, bi der ghenaden Gods biscop van Utrecht, ende heren Willaem^g grave van Heynnegouwen^h etc. ende hoir lude ende hoir helpers eyskende sijn deen van Liende ende horen helpers, ende alle twist, broke ende eyske die die biscop van Utrecht ende die ⁱ grave van Heynnegouwen^j ende van Holland^k voirs. eyschende sijn Reynoude van Ghilre, ende Reynoud hem weder ende horen helpers, ende van allen twiste, broke ende eyske die Reynoud van Ghelre ende die van Lienden ende hoir helpers eyskende sijn Walraven van Benthem^l, Janne van der Nordeloes^m, Gheraerdⁿ van Coudenborch^o, Stasekijn van Brakel ende horen helpers, ende si Reynnoude ^p deen van Lienden weder ende hoir helpers, in der manieren dat wi van morghen over viertien daghe in comen zullen te Woudrichem ende niet van^q danne te sceydene wi en hebben onse segghen ende die soene tuysken die twie partien gheseecht, ten^r ware bi onser beyder consent ende bi consente der partien voirscreven. Ende waer dat saken dat wi binnen den eersten XIIII daghen niet over een en droghen onsen segghen te segghene ende die soene te utene, so souden wi bi ons selve enen over man met ons nemen die ons beyden ghenoechde^s; ende so punte dair wi omme^t twiende ende die over man met den eenen van ons twien dair of over een mede droghe, dat soude ghestade bliven ende beyde partien houden.

Ende^u want wi ons hier in verbonden, so heb wi desen brief bezeghelt met onsen seghelen. Ghegeheven ter Horst bi Renen^v des satersdaghe na sinte Danijs daghe int jaer ons Heren M^o CCC° ende XIX°.