Registers van de Hollandse grafelijkheid 1299-1345

Willem van Millen, heer van Wickrath, ridder, draagt het halve dorp Velden met alle toebehoren op aan graaf Willem III, om het als recht leen terug te ontvangen.

Wi Willaem van Millen^b, ridder, here van Wickerade, maken cond allen luden die desen brief zullen sien ende horen lesen dat wi onse halve dorp te Veldem dat beneden^c bi Venlo oper Masen gheleghen es ende onse eyghen es, heyghe ghericht ende leyghe, bůsch, bruych, wigere^d ende al dat dair toe ghehoirt, op hebben ghedraghen ende draghent op enen edelen manne ende enen hoghen, onsen lieven here grave Willaem^e van Henegouwen^f, van Holland^g, van Zeeland^h ende here van Vriesland, also dat wi ende onse eyrven dat voirnoemde dorp met sinen tůⁱ behore alst voirnoemd es haden^j zullen van den voirnoemden here ende sinen erfnamen tenen rechten lene.

In oirconde etc. Open^k ghegheven int jaer ons Heren M CCC zeven ende twintich op zente Gheertruden dach.

Ista littera est sub Enghelberto.