Registers van de Hollandse grafelijkheid 1299-1345

Graaf Willem III beleent Isabel de le Crois met de nader omschreven leengoederen die zijn zuster, gravin Margareta van Artois, hem daartoe had opgedragen, waarna de inkomsten van dit goed vervolgens in leen worden gegeven aan jonkvrouw Agnes van Thuin voor de duur van haar leven plus één jaar; dit alles gebeurt ten overstaan van enkele met name genoemde leenmannen, die elke feodale handeling met hun vonnis goedkeuren en de oorkonde meebezegelen.

De onderstaande tekst is gebaseerd op afschrift B.

Guillaumes^a cuens de Heynnau^b, de Hollande^c, de Zeellande^{d e} et sires de Frize^f a tous chiaus ki ces presentes lettres veront et oront, saluut et connissance de veriteit. Sachent tout que en represence et ou tesmoing de nous et de tous nos hommes de fief chi apries nommeis, ches^g asavoir nos chiers et ameis foyaules^h monsigneur Arnoulⁱ dAygien, Godefroy de Nast^j, chevaliers, Wautier^k des Lers^l, Colard^m de Castiel et Jehanⁿ le clerc de Mons, vint no chiere et amee suer le contesse^o Margriete^p dArtois et reporta en no main tout entierement, sans nul si quita et clama quite bien et souffisssantment a tous jours de se boine et franche volenteit, sans destrainte de segnourage, tout le fief ke elle tenoit a Saint Salve de nous en fief ensi que il est, cest asavoir trente witelees^q de terre qui gisent a le Grant boe^r, item dijs et noef witelees qui seent^s au bois des Couchies^t con dist as Cailliaus^u, item une witelee ki est a Sainte Ysabeel^v, item quatre bonniers de prees qui seent es Viés preis^w, item chuinc muis de blees que on doit prendere cascun an sur nos mollins ^x Saint^y Gery de Valenchienes^z, et en toutes autres coses, queles soient, pour raporter^a' en la main Ysabeel^b' de le Crois et pour li ahyreter^c' dou dit fif, li quels fu demisielle Agnies^{d' e'} de Thuyng^f'. Dont conjurames^g' nous et semonsimes^h' tous nos deseur dijs hommes de fief, sour le foy et le loyauteit ke il devoit a nous porter, que il nos desissent par loy et par jugement se nous par les coustumes et les husages^i' de Haynnau^j' aviemes^k' bien en^l' no main par loy le dit fief ke no dite chiere et amee suer li contesse^m' Margriete^n' dArthoys^o' soloyt tenir a Saint^p' Salve de nous, et se elle estoit bien a loy deshiretee; li quel homme de fief bien et deligemment^q' sour chu conseilliet ensanle^r' nos raporterent et disent par loy et par jugement et par le plainne suite et paisivle faite li uns de lautre que oyl^s'. Et^t' che dit jugement passeit par le usaignement et ou tesmoing^u' de tous nos deseur dijs hommes ^v' de fief, nos raportames en le main de le dit Yasabeel^w' et la hyretames dou dit fief, que no dite chiere et amee suer avoit reporteit en no main si come de rentes et en toutes autres coses, queles que elles soient, qui au fief apartienent u puent appartenir, et len rechemes ^x' a homme. Derechief conjurames nous et chemonchimes seconde foys tous nous^y' deseur dis hommes de fief sour le foy et sour le loyauteit que il devoient pourter a nous, que il nous raportassent et disissent par loy et par jugement se nous par les usages et les coustumes dou paijs de Haynau^z' aviemes bien par loy en la^a'' main de le dite Ysabiel raportet le fief ke no desuer dite suer soloit tenir de nous a Saint^b'' Salve, le quel elle avoit reporteit en no main si come dit est, et se nous len aviemes bien ahiritee et a loy et rechuite a homme; li quel homme de fief et diligement sour chou conseilies^c'' ensanle nous raporterent et disent par loy et par jugement et par plaine suite et paisivle faite li uns de lautre que oyl. Ches coses ensi faites li dite Ysabiaus raporta en no main tout entirement, sans nul si quita et clama quite bien et souffisaument de se bone franke volenteit, sans destrainte de signourage, tous les fruis et les pourfijs, dont le dit fief pour raporter^d'' et ahireter le dite demiseelle Agnies de Thung^e'' tout le cours de sa vie et un an apries se mort. Dont conjurames nous et semonsimes tout nous dijs hommes de fief sour le foy et le loyauteit que il devoient a nous porter, que il nous desissent par loy et par jugement se nous par les usages et les coustumes de no conteit de Haynau^f'' aviemes bien en no main par loy les fruis et les pourfis dou dit fief tant que au viage le dite demisele Agnies appartenoyt et a lannee apreis se mort, et se le dite Ysabiaus estoit des fruis et des pourfijs dou dit fief deshiretee bien et a loy le cours de le vie le dite demiselle Agnies^g'' en un an apreis se mort; li quel home de fief yaus bien et deligenment sour chou conseilliés ensanle nos raporterent et disent ^h'' par loy et par jugement et par plaine suite et paisivle faite li uns de lautre que oyl. Et che dit jugement passeit par lensaingement et ou tiesmoing de tous nous deseur dijs homes de fief, nos raportames en le main dou dite demiselle Agnies^i'' et la hiretames des fruis et des pourfis de tout le fief devant dijt tout le cours de se vie et un an apries se mort, et len recheumes a home. Dont conjuraumes nous tous nos deseur dis homes de fief sour le foy et^j'' le loyauteit que il devoient a nous porter, que il nous reportassent ^k'' et par jugement se nous par les usages et les coustumes dou pays de Haynau^l'' aviens bien et par loy en le main de le dite demiselle Angnies^m'' raporteit les fruis et les proufis de tout le dijt fief a tenir de nous tout le cours de se vie et un an apres se mort, et se nous len aviemes ahiritee^n'' bien et a loy et rechuit a homme tant que pour sen viage et pour une annee apres^o'' se mort; li quel home de fief yaus sour chou bien et diligenment conseilliés ensanle nos raporterent et disent par loy et par jugement et par plaine suite et paisivle faite ^p'' li uns de lautre que oyl.

Et pour chou que toutes ches coses devant dites et cascune de celles soient fourmes^q'' et estavles et bien tenues^r'', nous avons donnés ches presentes lettres seielees de no propre seel, en connissanche de veriteit; et prions et requerons a tous nos homes de fief^s'' devant noumés qui requis en seroient pour chou, que a nostre semonse il ont par les coustumes de Haynau^t'' a toutes les coses deseur dittes faire et passer bien et par loy esteit comme noi homme de fief nouvieement^u'' et especiaument apelleit, et pour chou ausi que il fisent et ensiwierient tous les jugemens devant dis, il voelent mettre a ces presentes lettres leur propres seauls avoec le no, en connissanche de veriteit et de seurteit. ^v'' Et nous Ernouch^w'' dAinghien, Ghodeffrois^x'' de Nast^y'', chevalier^z'', Wautiers^a''' des Lers, Colars de^b''' Castiel^c''' et Jehans li clers de Mons, devant noimeit, pour chou que a le semonse et conjurement de no chier et ameit signeur monsigneur le conte^d''' de Haynnau^e''' et de Hollande^f''' deseur noumeit, que a toutes les coses deseur dites avons selonc les usages dou pays de Haynnau^g''' faire et passeir^h''' bien et par loy esteit comme home de fief a^i''' no dit chier signeur monsigneur le conte^j''' de Haynnau^k''' nouvieement^l''' et especialment apelleit, et pour chou ausi le nous meismes fesimes et ensiwiemes tous les jugemens devant dis, chil de nous qui requis en avons esteit avons mis avoec le cheel^m''' de no dit chier signeur no propres seauls a ches presentes lettres, en connissanche et en tesmoingnage de veriteit. Che fu fait lan de grasce M^o CCC^o et^n''' XVI^o, le venredi prochain apres le jour saint Remi^o''' ou mois de octembre.