Registers van de Hollandse grafelijkheid 1299-1345

Graaf Willem III geeft een vrijgeleide voor al zijn landen aan zijn dienaar Jan Crupeland en aan Reinier Arnoudsz. le Roy en hun gezelschap en goederen, durende tot vijftien dagen na wederopzegging, en draagt zijn rechters, dienaren en andere heren op om deze personen onbelemmerd te laten reizen en hen indien nodig bij te staan.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Guillaumes^a cuens de Haynnau^b, de Hollande^c, de Zeelande et sires de Frize^d faisons zavoir a tous chiaus ki ces presentes lettres veront u oront que nous avons recheu et rechevons en nostre sauwe et segure garde, et avons donneit et donnons sauf le^e zegur conduit a nos amés foyables Jehan Crupeland nostre vallet, Renié^f fil Aernoul^g le Roy, a leur maisnies^h, mesaigés et a tous leur biens par toutes nos terres et pooirs, ou que ce soit, en alant, venant, demorant, leur besongnes et marchandizes faisant, en retournant et en repairant, sansⁱ avoir ne rechevoir de nous ou par autruy de par nos arrest, enpechement, violence^j ou moleste en aucun maniere; le quel conduit nous luy donnons bonnement et entirement sans fraude et sans malengien, durant dou jour de le date de ces presentes lettres jusques a quinze jours accemplis^k prochainnement ensiewans apres nostre rapiel, et le quel conduit nous leur promettons loialment et en boine foy, si com dit est, a tenir et a faire tenir par tout desues nous^l. Si mandons et commandons a toutes nos justices, subgés et autres ministres, quels quils^m soient, que il les dis Jehan, Renierⁿ, lor maisnies, messagés, ou lun diaus, portant ces lettres, et tous leur biens que il ou uns diaus mainent ou conduisent, menront ou conduiront, laissent passeir, converser, aler^o, venir et demorer par tout en nos^p terres et pooirs, et leur fachent promoncion^q et auwe^r, se mestier en ont, durant le dit termine^s; et prions et requerons^t a tous autres signeurs, justices certans et autres^u par quels^v jurisdictions^w et destrois il ou li uns de yaus, ces lettres portans, passerent a tout leur biens que il, si com^x il vauroient que nous fesissiens pour yaus u pour les leurs, le laissent passer et converser entre eaus paisivlement, sans arrest, molest ou damage.

Donné desous nostre saiel a Brouxelle^y le luindi devant lanunciacion^z nostre Dame lan M^o CCC^o et^a' XX^o.