Registers van de Hollandse grafelijkheid 1299-1345

Graaf Willem III verklaart dat hij aan (Humphrey) de Bohun, graaf van Hereford en Essex, constable van Engeland, in totaal 2.768 pond 13 schelling 8 penning Engelse sterling schuldig is, of de tegenwaarde daarvan in groten Tournois of gouden florijnen, en belooft dat hij van die som 300 pond zal betalen aan kooplieden 'van de compagnie' en het resterende bedrag aan de graaf in vijf vastgestelde termijnen, onder verband van al zijn goederen en met de bepaling dat hij de onkosten zal dragen van zijn eventuele nalatigheid bij de betaling; de oorkonde wordt meebezegeld door negen met name genoemde edelen uit Holland, Zeeland en Henegouwen, die zich voor hem borg stellen en beloven dat zij, wanneer hij niet op tijd betaalt, in Antwerpen in leisting zullen gaan, in persoon of ieder vertegenwoordigd door één knaap of twee dienaren.

De onderstaande tekst is gebaseerd op afschrift B.

Nous^a Guillaumes^b cuens de Haynnau^c, de Hollande^d, de Zelande et sires de Frise^e faisons savoir a tous ^f ki^g ces presentes letres veront u oront ke nous devons comme no propre dette^h, boinne et loyal, a noble homme et poissant no chier et amei couzin monsigneur de Bohunⁱ, conte de Herford et de Essex^j, connestable dEngleterre^k, u a sen certain commant u a chelui ki ces presentes lettres aportera, dues mil siept cens sisante wit livres, treze sauls et^l wit deniers de boins estrelins dEngleterre^m u viés grois Tornoisⁿ de le forge le roy de Franche^o, boin et souffisans de pois et deloy^p, pour trois estrelins dEngletiere^q le pieche, u en florins dor boins et loyaus et souffisans a celi valeur, sans mauvaize occoison. De le quele somme dargent devant ditte nous prommetons et avons enconvent loyalment et en boine foy a aquiter quite et delivré no chier et amei couzin le conte^r de Herford dessus dit de trois cens livres destrelins de le dite monnoye enviers les marchans de la conpagnie, et deus mil IIII cens LXVIII lb. XIII s. et^s VIII d. destrelins promettons nous et avons enconvent loyalment a^t rendre et a paijer a no dit chier couzin le conte de Herford u a sen ciertain comant u a chelui ki ces presentes lettres aportera, sans plait et sans dilation, en le ville dAnwiers en Braybant^u, a nous cous^v et a nos frais a chuinch paiemens chi apres denommés, cest asavoir chuinch cens lb. destrelins de le dite monnoye au jour saint Jehan^w baptiste^x prochainement venant ki zera en lan de grasce M^o CCC^o et^y XVIII, V C lb. destrelins en teil monnoie con dit est au jour dou Noel premiers suiwant apres, et^z V cens lb. destrelins de le monoie devant dite au jour de Pasques apres ensuiant^a' ki zera en lan de grasce mil trois cens et^b' dis nuef, et V cens lb. destrelins de le dite monnoie a jour saint Jehan^c' baptiste^d' ki apres senzuit, et IIII^C LXVIII livres treze sols wit deniers destrelins en teil monnoie con dit est pardevant au jour dou Noel prochainement zuiwant apres; et ze nous en deffalijens, fust en tout u en partie, ke ja navigne, et nous chiers couzins li cuens de Herford dessus dis u ses^e' cartains commans u si hoir u si executeur u chius ki ces presentes lettres aportera en faisoit u avoit tous frais, despens u damages par le deffaute daucun de nos paiemens u de no covenenche, u par occoison ki de nous meuyst u soit meute, nous plainement et entirement li promettons et avons enconvent a rendre et a paijer comme no propre dette par sen simple dit u par le simple dit ki ces presentes lettres aportera, sans autre prouvanche faire, avoech le principal dette devant dite. Et quant a chou ke devant est dit, faire tenir et aemplir bien et entirement, et nous avons obligiet et obligons sollempnelment et par loyal convenenche tous nos biens temporels et les biens de nos hoirs et de nos successeurs, meubles et non meubles, presens et a venir, en quelconques liu et desous^f' cuiconques juridicium^g' il zeront et poront iestre trouveit, et les avons mis et mettons en abandon enviers tous le^h' zigneurs et toutes justices^i', en teil maniere quil nous plaist; et volons ke nos chiers couzins le cuens de Herfoerd^j' devant nommés u ses hoirs u si exequiteur u li porteres de ces presentes lettres les puist prendre u faire prendre, saisir, arrester et detenir en no ^k' conduit partout, zans forfaire, soit en parlement u hoirs parlement, soit en tournoy u hors tournoy, soit en fieste u hors fieste, dessi a^l' plain paiement et entire satisfaction^m' de le dette^n' et de toutes les convenenches devant dites. Et avoech chou nous volons, ^o' greons et otrions de no boine volenteit ke nous chiers couzins li cuens de Herford devant nommés u ses hoirs u si exequiteur u ses certains commans u chius ki ^p' ces presentes lettres aportera puist donner de nos propres biens et des biens de nos hoirs et de nos successeurs a quelconques signeur de tiere, bailliu u autre justice quil voroit, pour chascun paiement de le dette devant dite a requerre et faire avoir de nous, jusques au quint denier de cascun paiement, sans le dette et les convenenches devant dites amenrir^q'; et si renonchons et avons renonchiet quant as cozes devant dites pour nous, pour nos hoirs et pour nos successeurs a toutes le cozes clozement et generalment ki aidier et valour nous poroient pour aler encontre les convenenches devant dites u aucune delles, et le devant dit no chier couzin le conte de Herfoird^r' u ses hoirs u zes executeurs u sen commant u le pourteur de ces presentes lettres grever u suisir^s'. Et prions et requerons a nobles^{t' u'} personnes et poissans ki chi apres sont nommés, si le est asavoir a no chier et amei frere Jehan^v' de Haynnau, signeur de Biaumont, Gerard^w' signeur de Vornes et castelain de Zelande^x', Huon signeur de Sottengien^y' et de Putte, castellain de Gant, Jehan signeur dErcle, Thiri^z' signeur de Brederode, Henri^a'' castellain de Ledde^b'', Watier^c'' signeur de Bouzies^d'', Godefroit^e'' de Naste, signeur de Gueur, de Rodes et de Biervene^f'', et Jehan^g'' Sausset, signeur de Boussoit, chevalier, et quil tout et chascun diaus par lui et pour le tout voellent faire leur propre dette pour nous enviers no chier et ameit couzin le conte de Herford^h'' devant nommeit, et quil se voellent^i'' obligier en le dette des dues mil siept cens cissant wit lb., treze sols et^j'' wit deniers destrelins devant dites et^k'' en le fourme et en le maniere ke nous nos i sommes obligiet, si con dit est pardevant.

Et nous Jehans de Haynnau, sires de Biaumont^l'', Gerard de Voernes^m'', castellains de Zelande^n'', Hues zires de Sottengien^o'' et de Putte, castellains de Gant^p'', Jehans^q'' sires dErcle, Thieris^r'' sires de Brederode, Henris^s'' castellains de Ledde^t'', Watiers^u'' zires de Bouzies^v'', Godefrois de Naste^w'', sires de Rodes et de Biervene^x'', et^y'' Jehans Saussés, sires de Boussoit, chevalier, faisons savoir a tous ke tout et chascun de nous pour le tout, a le ^z'' et a le requeste^a''' de noble prinche et poissant no chier et ameit signeur Guillaume^b''' conte de Haynnau^c''', de Hollande^d''', de Zelande^e''' et sires de Frize^f''' devant nommeit, avons^g''' fait et faisons no propre dette pour lui et en sen nom^h''' des II^M VII^C LXVIII lb. XIII s. et^i''' VIII d. destrelins devant dites enviers haut homme et poissant monsigneur le conte de Herford devant nomeit, et les prommettons et avons enconvent a rendre et a paijer comme no propre dette, et cascuns de nous pour le tout, au dit conte de Herford u a ses hoirs u a ses executeurs^j''' u a sen certain commant u a chelui ki ces presentes lettres aportera, as termes et as paiemens devant nommés, sen si avenoit ke nous chiers sires li cuens de ^k''' Haynnau et^l''' de Hollande^m''' dessus dis en estoit en deffaute, fust en tout u en partie, et nous sommes obligiet et obligons pour le dit monsigneur le conte de Haynnau et de Hollande^n''' et en son nom^o''' nous, nos hoirs, nos successeurs et tout le no^p''' partout, en le fourme et en le maniere de point en point ke li ^q''' dis nos chier sires, mesires li cuens de Haynnau et de Hollande^r''', si est obligiés, convenenchiés et aloijés, si con dit est pardevant. Et tant plus ke ze nos chiers zires li cuens de Haynnau et de Hollande^s''' dessus dis defalloit daucun des paiemens devant dis, fust en tout u en partie, ke ja naviegne, nous devons le quinzaine apres chou que nous en sommes requis loyalment et en boyne foy tenir convent en le ville dAnwiers, u envoierons pour chescun^t''' de nous un bacheler ou deus vadletz de boine nation^u''', et ne nous en partirons si zera plainement sols et bien paijés li paiemens pour le quel nous seriens alec^v''' tenir en le ville dAnwiers convent, si con dit est ^w''' pardevand, au dit conte de Herford^x''' u a ses hoirs u a ses executeurs u a sen certain commant u au pourteur de ces presentes lettres; toutes mauvaises occoisons^y''' ostés ens es cozes dessus dites et en chascune delles.

Et pour chou ke ces cozes devant ^z''' toutes entirement soient fermes, estaules et bien aemplis en le maniere ki est deseure deviset, si en avons nous Guillaumes^a cuens de Haynnau, de Hollande^b, de Zeellande^c et zires de Frize^d, Jehans^e de Haynnau, zires de Biaumont, Gerars^f sires de Vornes, castellains de Zelande^g, Hues zires de Sottengien^h et de Puteⁱ, castellains de Gand, Jehans sires dErcle^j, Thieris^k sires de Bredered^l, Henris castellans de Ledde^m, Watiersⁿ sires de Bouzies, Godefrois de Naste sires de Rodes^o et de Biervene, et Jehans Zaussés^p sires de Boussoit^q dessus dit ces presentes lettres saielés de no propres saiaus. Faites et donnés lan de grasce^r nostre Signeur^s mil trois cens et dis et wit, lendemain dou jour de^t grandes Pasques.