Registers van de Hollandse grafelijkheid 1299-1345

Graaf Willem III geeft zijn kamerdienaar Jehan de Quorouble voor de duur van diens leven de inkomsten van 4 nader omschreven muid land, en bepaalt hoe gehandeld moet worden wanneer de tijnsbetalingen niet worden voldaan.

De onderstaande tekst is gebaseerd op afschrift B.

Nous Guillames^a cuens etc. faisons zavoir a tous ke pour le boin siervice ke Jehans de Quorouble, no^b valles de no cambre, a fait par pluiseurs fois a nos predecesseurs et a nos, et fera encore, nous li avons donneit et donnons a se^c vie, tant com il aura^d le vie en cors^e, tous les pourffis et haneurs^f de quatre muis de terre, en quelconques maniere quil vora le dite tiere labourer u faire cultiver pour le muis a sen pourffit, et est asavoir ke li dite terre nous li avons ensignié^g ensi com elles aions est ceve^h: premiers II muis et une pieche, ki fu de le maladrie, tenant a lespineeⁱ Aubiart^j; item la meisme^k III witeleis ki furent dame Yde Qualle; item la meismes V witeleis tenant a ces meismes III witeleis, qui furent de le maladerie; item tenant a^l chemin de Ruesne a lun leis et a lautre les a lespinnee Waubren^m I mui, ki fu de le maladrie; item gisant un peuⁿ plus avant XIIII witeleis, qui furent maistre Bauduin dou Caisnoit^o; le quele nous luy enfrankissons de toutes debraes et de tous tierages^p ki a nous et nos hoirs en poroient estreiereir^q, exepteit le disme Dieu et toute autre droiture ke nus foirs^r y poroit avoir. Encore avons nous otrijet au dit Jehan^s ke se aucuns senssisieres u pluiseur censisoient^t u censsisoit le dite tiere en tout u en partie, ke nous le dite terre en tout u en partie warandirons contre tous a cheluy u a chiaus ki le sensiroient durant le tierme de leur sense; et sil avoient coze ke^u dou dit Jehan defausist et li dite tiere en tout u en partie fust kerkié^v, encore nous plaist ke li dit Jehans^w en puist ordener et faire zen volenteit des biens de celi anee, et apres ^x le terme revenra en no main frankement^y. Et celi sencisseur^z u li censires ki le dite terre aroient u aroit censsie navoient u navoit leur terme acomplit et le censse tout plainnement leur terme tenee, il nous plaist et volons ke il tiegnent leur terme tout plain parmi le cense ke li dis Jehans^a' leur aroit censie, paijant a nous apres le anee ke dou dit Jehan zeroit defalit.

Per le tiesmoing de ces presentes lettres zeelees de no zeel. Donnés le venredi apres le Division de apostoles en lan de grasce mil trois cens et^b' zeze.