Registers van de Hollandse grafelijkheid 1299-1345

Schepenen van Delft oorkonden dat Foppe van Amsterdam beloofd heeft graaf (Willem III) schadeloos te houden in verband met diens borgtocht voor hem jegens Gerard Bartoudsz.

Vgl. de voorafgaande oorkonde nr. KE 48 in het register.

De onderstaande tekst is gebaseerd op afschrift B.

Wi Jan die Witte veren Bairtraden sone ende Gherard^a Starke^b, scepenen in Delf, orkonden dat Woppe^c van Aemstelredam^d hevet ghelovet voer ons ende versekert op al sijn goed ende op hem selven Willame^e den camerlinc ende Enghebrecht^f, sgraven rentemeester van Noirtholland^g, die^h hi onsen here den graveⁱ van Holland^j scadeloes houden sal ende losenen^k van vijf ponden groeter coninx Tornois^l, dair hi sijn borghe of es gheworden als hi ons seyd jeghens Gherard^m Bartouds sone, tuischen nu ende Pinxter die naist cometⁿ. Waer dat hijs niet en dede ende onse here die grave^o voirs. enighen cost jof scade omme lede, die souden dese voirghen. Willaem^p ende Enghebrecht^q van sheren weghen houden ende halen an des voirs. Voppen goede ende an hem selven.

In orkonde deser lettre beseghelt mit onsen seghelen. Ghegheven int jaer ons Heren M CCC^o twe ende twintich des manendaghes na onser Vrouwen dach te mid oechste.

^r Dese lettre voirscreven gaf Gherard^s van Leyden Enghebrecht^t voirnoemd in die Haghe, die dit ghelt ontfaen ^u ende dairof rekenen sal op dien dach ende ^v jaer voirscreven.