Registers van de Hollandse grafelijkheid 1299-1345

Graaf Willem III staat jonkvrouw Justine, weduwe van Jan Scheve, toe dat zij of haar nakomelingen jaarlijks 25 pond Hollands ontvangt van de rentmeester van Kennemerland en West-Friesland, totdat zijn schuld aan haar van 20 pond groten Tournois is betaald.

Vgl. nr. KE 8.

De onderstaande tekst is gebaseerd op afschrift B.

Wi Willaem grave^a van Heynnegouwen^b etc. maken cond etc.^c dat wi sculdich sien joncfrou Justine Jan Sceyven^d weduwe viertich scellingen groete van Vrederix weghen, dair si onsen brief op hadde an Willaem^e veren Bairten sone, die si ons op ghelevert hevet ende ghescoert es. Voirt hevet si ons gheleent in ghereden ghelde, dair hair Jan van Leyden onse capelaen of rekenen sal, achtien pond groeter Tornois^f. Dit coemt in somme twintich pond groeter Tornois^g, wair of wi hoir bewisen jaerlisc^h vijf ende twintich pond Hollandsⁱ intenemen van onsen rentemeester van Kennemairland^j ende van Vriesland tote Kersavond, tote der tijd toe dat wi hoir jof horen nacomelinghen an eygheliken goede in onsen lande van onser gravescip van Holland^k bewijst hebben. Ende ombieden u Jan den Keyser, onsen rentemeester van Kennemairland^l ende van Vriesland, jof so wie dat^m onse rentemester dair namaels wesen sal, dat hi hoir, horen kinderen ende nacomelinghen dese vijf ende twintich pond Hollandsⁿ sjaers betaile toit alsulken daghe alst voirscreven es; ende nemt dair of ene open brief van hore, jaerlix jeghens ons mede te rekenen.

Ende omme dat wi hore ^o dit vaste ende ghestade houden willen, ende horen kinderen ende nacomelinghen, hebben wi desen open brief^p beseghelt mit onsen seghel. Ghegheven toit Aelbrechts^q berghe op sente Barthelmeus^r dach int jaer ons Heren M CCC twe ende twintich.