Registers van de Hollandse grafelijkheid 1299-1345

Graaf Willem III komt met meester Vastraad de leidekker overeen dat deze de daken en goten van al zijn met lei gedekte huizen in Holland, Zeeland en West-Friesland zal onderhouden voor een jaarlijkse uitkering in geld en natura alsmede de vergoeding van de onkosten en materialen; in geval van arbeid aan nieuwbouw zal hij behoorlijk loon ontvangen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave van Heynnegouwen^b etc. maken kond etc. dat onse lude van onsen weghen over een ghedraghen zien met meyster Vastraid dien leyedecker alse dat hi alle onse huse die met leyen ghedecket sien of ghedecket zullen warden binnen onser graefscippe van Holland^c, van Zeelland^d ende van Vrieseland^e, dat hi die stoppen ende decken zal ende die ghoten verwaren sonder lecken, zoe wilke tijd ende soe waer dats te doene es; mar men zal hem leveren van onsen weghen leyen, naghelen, loet ende anders datter toe behoert, ende zinen cost die wile dat hire over es ende hi werket, ende daer of en zal hi ghiene dach hure nemen noch hebben. Ende soe wilke tijd wi enich niewe werke te werken hebben ende te decken, dat zal hi ons decken ende daer of nemen weseliken loen na dien dat hi elwaer te nemen plecht. Ende om dat hi ons met goeden trouwen gheloift hevet te dienen, zoe zullen wi hem jaerlix doen gheven alse langhe als hi in onsen dienste es^f onsen rentemeester van Kenemaerland^g ende van Vriesland^h, die nu es of namaels wesen zal, telken Bamisseⁱ een paer cledere, een hoet rogghe ende XV lb. Hollands^j sjaers; ende ombieden onsen rentemeester van Kenemaerland^k ende van Vriesland^l die nu es of namaels wesen zal dat hi meyster Vastrade voirs. gheve zine cledere, zinen rogghe ende zijn ghelt alse voirscreven es, ende van alsoe vele zullen wi onzen rentemeester voirs. quiten in zire eirster rekeninghe met meyster Vastraeds brieve voirs. Ende dit sal gheduren tote onsen weder zegghen^m.

In orkonde etc. Ghegheven in die Haghe des donresdaghes na Vasten avond int jaer XXIIII^o.