Registers van de Hollandse grafelijkheid 1299-1345

Schepenen en gemene buren van Heiloo, Oesdom en Assendelft, uit welke plaatsen de oude schepenen door graaf Willem III in Zierikzee in gijzeling waren gelegd vanwege de door hen gezamenlijk jegens hem gepleegde misdrijven, beloven dat zij de boete van 1.200 pond Hollands zullen betalen op twee vastgestelde termijnen.

Vgl. de voorafgaande oorkonde nr. KE 79 in het register.

Allen den ghenen die desen brief zullen zien jof horen lesen, maken cont scepen ende ghemene buere van van Heyliloe, scepen ende ghemene buere van Oesdam, ende scepen ende ghemene buere van Aspendelf, dat wi gheloeft hebben ende sculdich sijn onsen lieven ende gherechten here, heren Willaem^a grave van Heynegouwen^b, van Holland^c, van Zeland^d ende here van Vriesland^e alse van der broke ende misdaet die wi met ghemenen overeendraghen jeghens hem mesdaen hadden, ende hi ons oude^f scepen over gheghiselt hadde tote Zirixe, daer hi ons tot desen daghe toe quite of ghescouden hevet twaelf hondert pond Hollands^g, den groten Tornois^h over achte penninghe gherekent, te betalen die ene helfte tote Bamisse naest comendeⁱ ende die ander helfte tote Paeschen daer nae naest comende^j, sonder langher vertrecken. Ende omme dat wi ons allen verbinden dit ghelt te betalen ten daghen vorscreven up al onse goit sonder arghenlist, soe hebben wi dese brief open beseghelt met den seghelen des ghemeens lands van Kenemaerland^k.

Ghegheven tote Zirixee^l des donresdaghes vor sente Symon ende Juden dach in anno XXIIII^o.