C
Graaf Willem III gelast de baljuws van Delfland en Schieland dat zij niet toe zullen staan dat ingezetenen van hun baljuwschappen in wereldlijke zaken voor het gerecht in Utrecht worden gedaagd.
Delflant ende Schyelant.
In de marge voor de initiaal een dubbelkruisje.
Daginge van Utrecht etc.
De bovenstaande datering is gebaseerd op de veronderstelling dat de paasstijl is toegepast. Zie de Inleiding.
De onderstaande tekst is gebaseerd op afschrift B.
Willaema grave van Henegouwenb etc. an onsen baeliu van Delf land ende van Scieland die nu es jof hier na wesen sal, saluut. Want omme des wille datmen dicke onse portere van Delf ende onsen luden van juwer baliuscap hier te vorenc ghepijnt heeft alse van te daghene tot Utrecht omme scultd ende andere zaken, welc wi niet langher ghedoeghen en willen, waer omme wi ju ombieden jof iement enighen brief bringhet van Utrecht omme iement te daghen van onsen lande die te juwer baliuscap toe behoerd, dat ghi den ghenen die den brief bringhet van onsen weghen houdet in zeker hoede, want wi willen dat onse lude berecht sijn na den rechte van onsen lande van scult ende van anderen zaken die den waerleke rechte toe behoeren; ende hier of zullen wi ju scadeloes houden. Ende dit sal gheduren tot onsen wedersegghen.
In orkonde etc. Ghegheven ter Haghe des dinxendaghes na Dertien daghe int jaer ons Heren vane M CCC endef XVI.