Registers van de Hollandse grafelijkheid 1299-1345

Graaf Willem III beleent zijn kamerling Willem, zoon van heer Filips van Duivenvoorde, met een jaarrente van 25 pond Hollands uit de tiende van Hazerswoude; de oorkonde wordt meebezegeld door Jacob bisschop van Zuden en Gerard heer van Voorne.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Willaem^a grave van Henegouwen^b etc. maken cond allen ^c die desen brief sullen sien jof horen lesen^d dat wi Willaem^e onsen camerlinc, heiren^f Philips^g sone van Duvenvorde^h, omme menighen trouwen dienst die hi ons dicken ghedaen heeft ende noch doen sal henⁱ ghegheven hebben ende gheven XXV lb. Hollands^j des jaers, den groten Tornois^k voer achte penninghe, welke rente wi bewisen hem elken jaere in tenemene up onse tiende van Haesardwoude in al der selver manieren dat se^l meister Willaem Lonf^m ende here Pieter van Leyden, wien dat wise ghegheven hadden, jaerlix plaghen tontfanghen, ende dese XXV lb. des jaers zal Willaemⁿ onse camerlinc voers. ende sine nacomelingher houden van ons ende van onsen nacomelinghen te rechten leene; ende ombiden onsen rentemeister van Nordholland^o die nu es jof hier na wesen sal, dat hi alle jare late in nemen ende ontfanghen Willaem^p onsen camerlinc jof sinen nacomelinghen die voerseide rente, sonder wedersegghen.

Ende omme die meerre versekerreden van der ghiften voers. so hebben wi ghebeden^q ende bidden enen eersamighen vader in Gode, Jacob bider gratien van Gode bisscop van Zuden, ende onsen lieven ende ghetrouwen neve den here van Vorne^r dat si desen brief met ons beseghelen. Ende wi Jacob bider gratie van Gode^s bisscop van Zuden, commander van sinte Katerinen tote Utrecht^t, ende Gherard^u here van^v Vorne^w, borchgrave van Zeland^x, hebben bi bevelen ende versoekene^y van onsen lieven here her Willaem^z grave van Henegouwen^a', van Holland^b' etc. desen brief met hem bezeghelt met onsen zeghele in kennessen der ghiften voers.

Ghedaen ende ghegheven in Middelburch des zaterdaghes na sinte Matthijs^c' daghe int jaer ons Heren M CCC ende zestiene.