Registers van de Hollandse grafelijkheid 1299-1345

Graaf Willem III beleent Dirk van der Dobbe, poorter van Leiden, met in totaal 7½ nader omschreven akker land in Nieuwveen die deze ten behoeve van hem gelost had; voorts regelt hij de vererving van dat leen.

De afsluitende notitie in B verwijst naar nr. NH 343, vgl. voorts nr. NH 342.

De onderstaande tekst is gebaseerd op afschrift B.

Wi Willaem^a grave van Henegouwen^b, van Holland^c maken kont allen luden dat Dieric van der Dobbe, onse poirter van Leyden, tyeghens ons hevet ghelosset ende ghevriet op den Nuwen vene drie acker lands doerghaende van der wateringhe die de Drecht hiet op in den vene, item drie acker lands van Wouters ambocht van Egmonde op inden vene ter landsceydinghe, item anderhalf acker lands die van der hofsteden op gaen inden vene ter landsceydinghe, ende dit hevet beleghen an beyden ziden Jacob Ermegherde^d zone met sinen lande, ende ten enden daert kervet daer hevet hiet mede beleghen mit sinen lande in Wouters ambocht van Eghemonde^e. Ende al dit land voerscreven zal Dieric van der Dobbe voerseyt van ons te leene houden in zulker manieren dattet na siere doet comen zal^f op Ermeghaerde^g siere dochter ende op haren kinderen als haers ghebreket, ende voerd in leene den rechten leen houder te houden binnen achtersusterkinde niet te versterven.

In oirkonde desen brieve etc. Ghegheven in die Haghe des woensdaghes na onser Vrouwen dach te midden oeste int jaer ons Heren M CCC ende twintich.

^h Vendidit et postea reposuit aliam terram; infra numero 335.ⁱ