Registers van de Hollandse grafelijkheid 1299-1345

Graaf Willem III belooft Arnoud van Groeneveld, ridder, aan wie Dirk burggraaf van Leiden, ridder, enkele nader omschreven grafelijke leengoederen in achterleen heeft uitgegeven, dat Arnoud in die lenen zal opvolgen wanneer Dirk zonder wettige zoon overlijdt.

De onderstaande tekst is gebaseerd op afschrift B.

Wi Willaem^b grave van Henegouwen^c, van Holland^d etc. maken kond allen luden dat die zestien morghen lands legghende op die Harnesse bi der Woutkerke die Jacob Lyen^e sone nu in huerwer hevet, ende die zeventien morghen lands die legghen in den Cadike die Jan van Kleest^f nu in huerwaer hevet, ende die haer Dieric die borchgrave van Leyden, onse ridder, van ons te leene houd, ende hi voird haren Arnoude van Groenenvelde^g ridder ghegheven hevet met sinen brieven van hem in liene te houden binnen achterzusterkinde niet te verstorven, dat wi omme dienst die haer Arnoud^h van Groenenveldeⁱ voerseyd ende sine vriende ons dicke ghedaen hebben, te gratien doen: waer dat zake dat die borchgrave voerseyd storve sonder wittachtighen sone ende tland voerscreven an ons quame, dat haer Arnoud voerseyt ende sine nacomelinghen die recht lien volgher waren dit land voerscreven van ons ende van onsen nacomelinghen in rechten liene houden soude.

In orkonde desen brieve^j etc. Ghegheven tote Dordrecht op meyen avend int jaer ons Heren M CCC een ende twintich.