C
Graaf Willem III geeft Dirk van Zwieten, knaap, toestemming leengoed te verkopen in recht eigendom aan Hanne Breggen en Pieter Cokenaadse, poorters van Leiden.
In de linkermarge een kruis. – In de rechtermarge: Van Dierike van Zueten.
De onderstaande tekst is gebaseerd op afschrift B.
Wi Willaema grave van Henegouwenb, van Hollandc etc. maken kont allen luden dat wi oirlof ghegheven hebben ende gheven Dierike van Zuetend, onsen knape, te vercopene in rechten eyghen Hanne Bregghen ende Pietre Cokenaetsen, poirters te Leyden, zevendalf morghen lands die hi van ons in rechten leene helt, legghende binnen desen marken: die wateringhe van Roedenburch op die noirdzide, Gherijt Sconebroecs kinder op die zuytzide, haer Philips kinder van Santhorste op die weestzide ende die Rijndijcf op die oestzide, van wilken lande voerscreven wi ghegheven hebben ende gheven met desen brieve Hanne ende Pietreg voerscreven enen rechten eyghendom; ende gheloven hem dien te waren.
Ghegheven tote Dordrechth des woensdaghes na sinte Marchus dach int jaer ons Heren M CCC een ende twintich.
Istam literam habet prescriptami Enghelbertusj receptor Noirdhollandiek, et non dabit Theoderico l de Zuetenm prescripto antequam ipse reddiderit domino commiti ita bonam terram in hereditate, vel reddet domino commiti litteram istam prescriptam.
¶n Per dominum comitem.