Registers van de Hollandse grafelijkheid 1299-1345

Graaf Willem III belooft Jan Dirksz. uten Broek en diens broer Dirk Wouter dat hij hen zal belenen met zijn woning in de Broek in het Haagambacht en de bijbehorende 20 morgen land, en wel na het overlijden van jonkvrouw Hazekijn uten Broek die op dit goed gelijftocht is; voorts bepaalt hij hoe het goed tussen beide broers verdeeld zal worden.

De onderstaande tekst is gebaseerd op afschrift B.

Wi Willaem^a grave van Henegouwen^b, van Holland^c etc. maken kond allen luden dat wi onse woninghe ten Broec ende ommetrent twintich morghen lands die ter woninghe behoren, legghende in^d Haghe ambocht, die ons ane quam bi Dierix doet uten Broeke ende daer joncfouwen Hasikaien^e uten Broke^f haer lijftochte an hevet, ende gheleghen es binnen desen marken: opt oest ende Jan van der Weteringhe^g, op twestende die nuwe wech ende over^h die nuwewech ene halve morghen, op die noirtzide Florens Vriesenⁱ zoens land met sire stiepkinder land ende Daniel Bayon^j, op die zuytzide Jan Bobels^k soens land, Jan Werenbrecht^l soens land ende Willaem Priesters soens land, ghegheven hebben^m ende gheven na joncfrouwen Hasekaiens doet voerseyd Janne Diericsⁿ sone uten Broke^o ende Dieric Wouter sinen broeder, omme dienst willen die ons hoir ouders ghedaen hebben ende si ons noch ^p doen zullen, in rechten liene van ons te houden, Jan die ene helfte ende Dieric voers. dandre, dats te wetene dat Dieric voerseyd^q hebben sal^r die halve morghen over^s den nuwen wech ende dat gheestland buten den Dorenghanghe ende den ^t Odevaers camp ende den Paerden camp^u, ende Jan sal hebben die woninghe voerscreven ende al dat ander land.

In oirkonde desen brieve etc. Ghegheven inden^v Haghe des dinxendaghes voer meyen dach int jaer ons Heren M CCC twie ende twintich.