Registers van de Hollandse grafelijkheid 1299-1345

Graaf Willem III schenkt Floris Mol in vrij eigendom de 4 morgen land in Schieveen waarvan hij het morgengeld en ander ongeld had opgebracht dat door Dirk van der Made baljuw van Delfland en Schieland eerder was voorgeschoten; op dezelfde wijze schenkt hij Floris de 4 morgen aldaar die deze had gekocht van Jan van Rosenburg baljuw van Delfland en Schieland, die die gelden eveneens had voorgeschoten.

Vgl. nrs. NH 129, 223, 311 en 312.

De onderstaande tekst is gebaseerd op afschrift B.

Wi Willaem grave van Henegouwen^a, van Holland^b etc.^c maken kont etc. dat wi ghewaren ende gheven^d Florijs^e Molle vri te sinen eyghen vier morghen lands legghende op Scievene die Willaem^f Clays Heerkijns soen^g waren ende ons anequamen vri bi^h rechte ende vonnesse der welgheboenre hiemradere van Scieland, van morghengelde dat dese Willaemⁱ in ghenomen hadde ende anders onghaeld^j dat opt voers. land liep^k ende van onsen weghen daer voren uyt gheleyd waerd bi Dieric van der Made onsen baeliu van Delfland ende van Scieland, van wilken ghelde voerscreven Florijs voers. betaeld^l hevet dit morghen gheld ende dat ongheld dat van onsen weghen dair voren uyt gheleyd was, ende daer omme so gheven wi hem dit voerseyde land^m ende ghewarent hem vri tyeghens elken manne. Item gheven wi hemⁿ vri vier morghen lands legghende op Schievene die scotvries waren ende ons anequamen vri bi rechte ende vonnesse onser welgheboenre hiemradren^o van Schieland^p, alse van onghelde dat van onsen weghen daer voer uyt gheleyt was bi Janne van Rosenburch, die onse baeliu was van Delfland ende van Schieland^q, wilc land voers. Florijs voerscreven^r cofte tyeghens Jan van Rosenburch om dertich scellinghe Hollands^s ende al betaeld hevet, daer ons Jan voers. goede rekeninghe of ghedaen hevet; ende^t dit land voernoemd^u ghewaren wi desen Florijs vri tyeghens elken manne.

In orkonde desen brieve etc. Ghegheven in die Haghe des dinxendaghes na sinte Marchus daghe int jaer ons Heren M CCC twie ende twintich.