Registers van de Hollandse grafelijkheid 1299-1345

Graaf Willem III beleent Arnoud Dirksz. van Zandhorst met 5 morgen land aan het einde van de Roomburger laan, met de bepaling dat dit leen bij ontstentenis van een zoon mag vererven op Arnouds oudste dochter.

De onderstaande tekst is gebaseerd op afschrift B.

Wi Willaem grave van Henegouwen^a etc. maken cond etc. dat wi Arnoud^b Dierix sone van Zanthurst omme dienst die zijn ouders onsen ouders ende ons dicke^c ghedaen hebben hier voermaels, hem ghegheven^d hebben ende gheven onse vijf morghen lands legghende an tende van Rodenburchgher lane^e tote Soeterwoude^f waerd, die^g ons ane quamen^h van Kerstansⁱ doede van Roedenburch^j, van ons ende van onsen nacomelinghen te houden in rechten liene; ende^k wand^l Arnoud voers. ghienen soene en heeft^m soe hebben wi hem teⁿ gratie ghedaen ende doen: es dat hi stervet sonder wittachtighen sone na hem te latene, dat dese voers. vijf morghen lands comen sullen op^o sine ouster wittachtigher dochter, ende voerd van ons^p te houden te rechten liene^q.

In orkonde desen brieve etc. Ghegheven tote Alkemaer^r des sonnendaghes na^s sinte Jans dachte uytghaende^t oist int jaer ons Heren M CCC ende XXIII^ou.