Registers van de Hollandse grafelijkheid 1299-1345

Graaf Willem III bevestigt de schenking door zijn knaap Gerard Alewijnsz. uit Leiden aan diens zoon Gerard Wissen van een lijftocht bestaande uit 5 pond Hollands jaarlijks uit de jaarrente van 15 pond Hollands die hij eerder aan Gerard Alewijnsz. had gegeven, uit te keren door de rentmeester van Noordholland, met de bepaling dat na de dood van Gerard Wissen de rente weer zal komen aan Gerard Alewijnsz. of aan diens rechthebbende.

De onderstaande tekst is gebaseerd op afschrift B.

Wi Willaem^a grave van Henegouwen^b c etc. maken cond etc. dat ^d Gheraerd^e Alewijns sone^f ute Leyden, onsen trouwe^g knape, bi onsen goeddenken ende met onser hand ghemaect hevet Gheraerd Wissen, sinen sone, tote sire lijftochten vijf pond Hollands^h sjaers van dien vijftien pond Hollandsⁱ sjaers^j die wi Gheraerd^k voers. hier^l te voren omme sijns^m dienst willen ⁿ gheven hebben ende bewiset ane onsen rentemeyster van Noirtholland^o jaerlix op te boren, die ene helfte te sinte Martijns^p misse in den winter^q ende die ander helfte op den meyen dach^r, ter tijd toe dat wien^s an sekeren goede^t bewiset hebben; ende an wat goede wi Gheraerd^u voers. bewisen, daer zal Gheraerd^v Wisse sijn vijf pond sjaers op hebben, telken termine voerscreven ene helfte. Ende hier in gheloven wi Gheraerd^w Wissen ^x te houden alse langhe alse hi levet; ende na sire doet zullen si comen ane Gheraerd^y Alewijns sone voerscreven, jof an den ghenen die van recht ^z es dese vijftien pond sjaers^a' te^b' hebben na den betoghe^c' datter Gheraerd^d' Alewijns sone voers. of hevet.

In orkonde desen brieve etc. Ghegheven tote Middelburch^e' des donresdaghes na sinte Dyonijs^f' dach int jaer ons Heren M CCC ende XXIII^o.