Registers van de Hollandse grafelijkheid 1299-1345

Graaf Willem III beschikt na de dood van Gijsbrecht Coke over diens leengoederen, en wel zo dat hij diens dochter Catharina beleent met 3 morgen land te Escamp en diens andere dochter Baarte toestemming geeft tot verkoop van 3 morgen land, waarvoor zij hem 4½ morgen land te Escamp in vrij eigendom opdraagt die zij van hem in recht leen terug ontvangt.

Wi Willem^a grave etc. Want wi Ghisebrecht Coken gracie^b ghedaen hadden van ses morghen lands die hi van ons te lene helt, daer die III morghen of gheleghen sijn in Adscampe^c an den Landcampe an die zuytside; item enen morghen legghende bezuden sGraven zande jeghen Brunaerts ende II morghen legghende achter des Ghisebrechts huys oestwaerts tuschen der moniken land ende Florens land van Alcmade^d, alsoe dat die III eerste morghen lands comen souden nae Ghisebrechts doit up Katerinen^e siere dochter ende die ander III morghen lands na siere doet up Baerten siere dochter. Ende zoe dat Ghisebrecht doet es, hebbe wi verleent Katerinen^f siere dochter van den III eersten morghen lands, ende hevet si van ons ontfaen ten rechten lene; ende hebben orlof ^g ghegheven Baerten^h vorscreven ende is bi onsen consente dat si die ander III morghen vercoft hevet ende die verleghet hevet an IIII½ morghen lands die gheleghenⁱ sijn in Aedscampe, daer an die noertzide naest gheleghen is Clays land van der Vete^j ende Boudwijn^k Liebaerts^l land met samender vare ende an die zuytside naest gheleghen es Pieter Kerstans^m soens land, an dat oestende naest des biscops land van Zuden ende ant west ende naest gheleghen is Reyniers land van Heemstedeⁿ, wilke IIII½ morghen lands vors. Barte^o vors. ons up ghedraghen hevet ten vryen eyghen, ende hebbense daer of verleent ende hevetse van ons ontfaen te rechten lene.

In kennesse etc. Ghegheven up sente Matheus dach in anno XXIIII^o.