Registers van de Hollandse grafelijkheid 1299-1345

Graaf Willem III beleent Daniel van den Velde met de 15 morgen land met een woning in Maasland bij Zuiderkerk die deze hem had opgedragen uit diens eigen goed, en regelt de vererving van dit leen.

Wi Willem^a grave van Heynnegouwen^b etc. maken kond etc. dat ons Daniel van den Velde hevet op ghedraghen van eygheliken goede vijftien morghen lands metten husinghen, legghende in Mazeland^c bi Zuyder^d kerke^e bi Pieter Pieters soens tusken den wech ende den dijc, die wi hem weder ghegheven hebben van ons ende van onsen nacomelinghen te houdene ten rechten erfliene, te comene op zinen oudsten zone alsoe verre als hine hevet; ende en hevet hi en ghienen zoen, te comen op zinen twien oudsten dochteren in witteliken gheboirten ende daer na alsoe langhe als daer een afterzuster kint es in witteliken gheboird^f van hem, ende van der zweerd ziden niet te versterven mar op den witteghen naisten te bliven. Ende wanneer zoe^g dit^h goed verwandelt, soe zalment van ons ende van onsen nacomelinghen versoeken met enen roeden sparwaer.

In kennesse van desen stucken zoe hebben wi desen brief bezeghelt met onsen zeghele. Ghegheven int jaer ons Heren M^o CCC^o XXV^o des sonnendaghes na sinte Lucas dach in die Haghe.