Registers van de Hollandse grafelijkheid 1299-1345

Graaf Willem III verkoopt aan Gijsbrecht Elizabethsz. in vrij eigendom de nader omschreven 8 morgen land in het ambacht Maasland die eerder toebehoorden aan de voortvluchtige Willem Grietenz. van Delft alias Vierkante Wille.

Vgl. de nrs. NH 290-292 en 410-411.

Wi Willem^b grave etc. maken cont allen luden. Want Willem^c Grieten f.^d van Delf, die gheheten was Viercante Wille^e, jeghens onser heerlichede alsoe mesdaen hevet dat hi onse land gherumet hevet ende voervluchtich es, zoe hebben wi bi Arnoude van den Dorpe, onsen baliuy van Delfland^f ende van Scieland^g, die achte morghen lands die Willems^h vors. waren legghende int ambocht van Mazelandⁱ, die beleghen^j hevet Arnoud van Hodenpijl^k up die oestzide ende Willem^l die Moelnare^m up die westzide, vercocht Ghisebrechteⁿ Lisen^o sone in vryen eyghen, elke morghen om achtalf pond Hollands^p, wilc land vorscreven wi gheloven Ghisebrechte^q vors. ende sine nacomelinghe te waren ende te vryen van allen commer dier Willem^r vors. jof sine nacomelinghe up eyschen mochten; ende ombieden allen onsen baliuwen, rechteren ende scepen van onsen lande dat si Ghisebrecht^s vors. in desen eyghendome houden, ende des niet en laten.

Ghegheven in die Haghe des eersten zonnendaghes nae Belokene Paeschen int jaer ons Heren M CCC zes ende twintich^t.