Registers van de Hollandse grafelijkheid 1299-1345

Graaf Willem III verkoopt aan Floris Mol 4 morgen land te Schieveen in vrij eigendom, vrij van schot en ongeld zoals dat eerder daarop werd geheven.

Vgl. nrs. NH 128, 129, 223 en 312.

Wi Willaem^a grave van Henegouwen^b, van Holland^c, van Zeeland^d ende here van Vriesland^e maken cond allen luden^f dat wi ghegheven hebben ende gheven vry Florijs Mol vier merghen^g lands legghende op Schievene^h, die scot vriesⁱ waren ende ons an quamen vri bi rechte ende bi vonnesse onser welgeheborenre hiemraders^j van Scieland, alse van onghelde dat^k van onsen weghen ^l daer ^m voren uyt gheleit was bi Janⁿ van Rosenburch^o, onse baliu was van Delfland^p ende van Scieland, wilc land Floris^q voers. cofte jeghens Jan^r van Rosenburch^s omme dertich schellinghe Hollands^t ende al betailt^u hevet, ende ons Jan voers. rekeninghe of ghedaen heft; ende dit land voernoemd^v ghewaren wi desen Florijs^w vry jeghens elken man.

In orkonde desen brieve bezeghelt met onzen zeghele^x. Ghegheven in die Haghe des dinxendaghes na sinte Marcus^y dach int jaer ons Heren M CCC twie ende twintich.