Registers van de Hollandse grafelijkheid 1299-1345

Graaf Willem III beleent Floris Mol met een zate van 20 morgen geheten Clarenbouts zate en met 4 morgen land, beide te Schieveen, welke goederen deze hem daartoe had opgedragen; voorts regelt hij de vererving van deze lenen.

Vgl. nrs. NH 128, 129, 223 en 311; zie voorts nrs. NH 416 en 435.

Wi^a Willaem^b grave van Henegouwen^c, van Zelland^d, van Holland^e ende here van Vriesland^f maken cond^g allen luden^h dat ons Florijs Mol op ghedraghen heeft tonsen eyghen ene sate van twintich morghen lands legghende op Schyeveneⁱ, dat Claerbouts sate hiet, ende vier morghen lands legghende op Schievene^j, die Clays Heerkijns soens^k waren, wilke vier morghen wi desen Florijs ghegheven hadden overmids onghelde dat hi daer voren betailde daert ons of aneghecomen was vri bi rechte ende vonnesse onse^l welgheborenre heymraderen van Scieland bi Dierix tiden van der Made, doe hi onse baliu was van Delfland^m ende van Schielandⁿ; wilke voerseyde sate ende land alse voerscreven es wi weder verlient hebben desen Florijs Mol voers. van ons te houden te liene in deser manieren dattet comen^o mach up sine kinden kinderen daer hijt bewist, ende vort daer na op den naisten toe comende van der zuaerside^p van wittachtigher boerte, binnen achtersusterkinde niet te versterve.

In oirkonde desen brieve bezeghelt met onsen zeghele^q. Ghegheven in die Haghe des mannendaghes^r op sinte Michiels dach^s int jaer ons Heren M CCC ende XXVI^t.