Registers van de Hollandse grafelijkheid 1299-1345

Graaf Willem III verpacht de voogdij van de kinderen van Wouter van Mijnden aan Dirk van der Does voor 130 pond Hollands jaarlijks, waarbij alle onkosten voor diens rekening zijn en hij de kinderen alleen kan uithuwelijken met toestemming van de graaf, en met de bepaling dat Dirk de jaarrenten berustend op de goederen zal uitkeren en dat de inkomsten uit de rechtspraak worden gedeeld: de boeten van het lage gerecht zal Dirk ontvangen, terwijl de graaf die uit het hoge gerecht zal innen.

Vgl. het volgende nr. NH 322.

Wi Willaem^b grave van Henegouwen^c etc. maken cond etc. dat wi Dieric van der Does, want hi die outste ende die naiste es die van^d heren Amelijs van Minden ghecomen es, verpacht hebben onse voghedie van Wouters kindere van Minden, zijns oems, ter tijd toe dat Wouters kindere hore daghe hebben, in manieren dat Dieric voirseyd die kinder houden zal alse weseliken es ende den kinderen toe behoird, buten onsen cost. Voird zal hi alle jaerrenten, est van liene jof waer of^e dat si roeren, betalen sonder ons enighen ofslaen te doene. Ende hi zal dit goed bedriven, est renten est gherechte, op sijns selves cost, ende alle laghe boeten zullen zine wesen, ende alle hoighe boeten van doet slaghe, van leemten ende des ghelike zullen onse wesen, ende onse rentemeyster van onsen weghen ontfaen. Ende hi en zal met^f Wouters kindere voirs. gheen huwelijc doen noch verbind, het^g en sie bi onsen wille. Ende hi zal nu ter wilen ghaen int bedrijf van den ambocht ende van den goede, ende hier of zal hi ons gheven alle jare alse^h langhe alse ⁱ die voghedie duret hondert ende dertich pond Hollands^j vryes ghelts, sonder enighen cost of te rekenen, te betalen alle jare die ene helfte toit sinte Martijns^k misse in den winter^l ende die ander helfte toit sinte Pietersdaghe in den ^m lentenⁿ; ende hier of zal die eerste dach wesen te sinte Martijns^o misse naist comende in den winter. Ende alle stucken voirscreven sonder arghelist.

In oirkonde etc. Ghegheven in die Haghe des manendaghes na sinte Lucien^p dach int jaer ons Heren M^o CCC^o ses ende twintich^q.