Registers van de Hollandse grafelijkheid 1299-1345

Graaf Willem III machtigt heer Jacob, bisschop van Zuden, om de eerst vrijkomende kerk in Holland waarvan hij het collatierecht heeft te begeven aan aan heer Sander van Heukelum, diens kapelaan, dit mede op verzoek van de gravin van Gelre.

Wi Willaem^a grave van Heynnegouwen^b etc. maken cond ende kenlic^c etc. dat wi macht ghegheven hebben^d ende macht^e gheven met desen brieve enen eersamen vader in Goede, heren Jacob bi der ghenaden^f Gods biscop van Zuden, onsen lieven ende ghetrouwen vrient, te gheven heren Sander van Hoekelen^g, sinen capellaen, die eerste kerke die ons verscinet of open wordet met rechte in onser heerscap ende lande van Holland^h die toit onserⁱ collacie behoirt ende dair heren Sander mede gheholpen es, uut ghenomen alsulke brieve als wi voirmaels ghegheven hebben in desen manieren sprekende op die vacaturen^j van onsen kerken voirscreven; ende die collacie die die biscop van Zuden voirs. heren Sander voirscreven als si vallet van onser^k weghen doen zal, die stadinghe wi puerlike om Gods wille ende om bede onser liever nichten der gravinnen van Ghelren, ende houdense stade gheliker wijs of wise hem selve ghegheven hadden.

In orconde des brieves beseghelt met onsen zeghele. Ghegheven in die Haghe des dinxendaghes voer sinte Marien Magdalenen dach int jaer ons Heren^l M^o CCC^o zeven ende twintich.