Registers van de Hollandse grafelijkheid 1299-1345

Willem van Duvenvoorde, kamerling van de graaf, beleent Arnoud de Muis, zoon van wijlen zijn oom Dirk van den Wale, met 14 morgen in Maasland en 7 morgen bij Schiedam in ruil voor een tiende waarvan Arnoud afstand heeft gedaan, met de bepaling dat wanneer hij zonder wettig nageslacht zal komen te overlijden Arnoud dit leen zal houden van zijn broer Jan van Polanen; de oorkonde wordt meebezegeld door graaf Willem III.

Vgl. het voorafgaande nr. NH 345.

Ic Willaem^b van Duvenvoirde, camerlinc mijns heren sgraven van Heynnegouwen^c ende van Holland^d, make cond allen luden dat ic ghegheven hebbe ende gheve met desen brieve Arnoud^e den Muys^f, mijns oems sone Dierix van den Wale, dair God die ziele^g of hebben moete, viertien morghen lands luttel mijn of meer die ic cofte jeghens minen lieven here den grave ende hem an comen waren van Jan Coppijns^h sone, ligghende in Mazeland; vort so hebbe ic hem ghegheven zeven morghen landsⁱ ligghende bi Sciedamme in Dierix ambocht van Matenesse, die Dieric^j Bokels sone was, die an minen here quamen van Hughe^k Niclays^l soens wijf, die si van minen here helt tot^m hore lijftoch van haren eersten man; van mi ende van minenⁿ nacomelinghen te houdene in rechten liene. Ende ware dat sake dat ic storve sonder wittachtich gheboirte, zo wille ic dat hi dit^o voirseyde goed houde^p van Jan^q van Polanen^r, minen broeder, in alre manieren als hijt van mi hout. Ende overmids dese ghichte^s so hevet Arnoud^t voirs.^u quite ghescouden al recht dat hi hadde an den tiende die hair Vranken van Hoylede wilen eer^v was, tot minen^w behoef.

In orkonde etc. Ende omme die merer zekerhede zo hebbe ic ghebeden minen lieven here den grave dat hi dit op mi bezeghelen wille. Ende wi Willaem^x grave etc. om bede ^y Willaems^z van Duvenvoirde ons camerlincs hebben desen brief bezeghelt met onsen zeghele. Ghegheven tote^a' Dordrecht^b' int jaer ons Heren M CCC zeven ende twintich des zonnendaghes na sinte Jacobs dach.