Registers van de Hollandse grafelijkheid 1299-1345

Graaf Willem III beleent zijn knaap Jan van den Werve met twee woningen te Voorburg, samen ter grootte van circa 72 morgen, de ene door Jan gekocht van Arnoud Hoen en de ander van Jan van Voorburg, van welke woningen de eerste hem door Jan van den Werve in vrij eigendom was opgedragen; tevens regelt hij de vererving van dit leen.

Het woord woninghe betekent hier blijkbaar iets als 'erf', zie de opmerking in de kopnoot bij nr. NH 281.

Wi Willaem^a grave van Heynnegouwen^b etc. maken kond etc. dat Jan van den Werve^c, onse trouwe knape, ons opghedraghen heft tenen vryen eyghen ene woninghe die hi cofte jeghens Arnd Hoen, die groet es jeghens twaelf morghen, legghende tote Voirborch^d op die oistside van zine^e woninghe die hi cofte jeghens Jan van Voirborch^f, die hi van ons te liene houd ende groet es jeghens sestich morghen; waer om ende om zijns trouwen^g diensts^h willenⁱ die^j hi ons ghedaen heft ende noch doen zal wi Janne voirs. beyde woninghe voirscreven, binnen desen marken legghende: die west side Gherards^k land van Vlaerdinghen^l, die oist side Jacob^m Hoens land, dat zuyd ende van der woninghe die Jans van Voirborchⁿ was die Vliet ende van Arnd Hoens woninghe die wech bi zuden^o der kerken van Voirborch^p, ende dat noird ende die sceydinghe tusken Voirborch^q ende onsen vene, verlyet hebben ende verlyen met desen brieve van ons te liene te houden^r, binnen achtersusterkind niet te versterven.

In oirkonde etc. Ghegheven in die Haghe^s des dinxendaghes voir sinte Katherinen^t dach int jaer ons Heren^u M^o CCC^o XXVIII^o.