Registers van de Hollandse grafelijkheid 1299-1345

Graaf Willem III verkoopt Boudewijn Dirksz. de 4 morgen land in Escamp in vrij eigendom die hem waren toegevallen vanwege diefstal door Hugo Boudewijn, die dientengevolge voortvluchtig is.

Wi Willaem^a grave van Heynnegouwen^b, van Holland^c etc. maken cond etc. dat Arnt^d van den Dorpe^e, onse baeliu van Delfland ende van Scieland^f, hevet vercoft Boudwijn Dierics sone vier morghen lands die Hughe Boudijn van ons helt, ende dat overmids ^g diefte ane ons ghecomen es als van dien^h Hugheⁱ Boudwijn, want hi dair omme voervluchtich es; dar omme soe hebben wi ghegheven ene vrye ghifte ^j med desen brieve ghegheven^k Boudwijn Dierics sone^l, want onse ^m baeliuⁿ Arnt^o van den Dorpe^p ons goede rekeninghe dair of ghedaen hevet. Ende dit voirscreven erve es gheleghen in Haedscamp, dair is gheleghen op die nortzide langhes Arnt^q van Demenvoirde, ende op die zuutzide is gheleghen Jan veren Hazekijns sone, ende op dat oest ende is gheleghen^r Jan Feyen soen, ende ten^s west ende is gheleghen hair Willaems^t Boudwijns wijf.

^u Omme dat wi^v willen dat dit stade ende vast^w ghehouden^x woirde^y van ons ende van onsen nacomelinghen, zoe hebben wi desen brief bezegheld med onsen zeghele^z. Ghegheven in den jare ons Heren^a' dusent drie hondert ende acht ende twintich des woensdaghes nae sinte Martijns^b' daghe in den winter^c'.