Registers van de Hollandse grafelijkheid 1299-1345

Graaf Willem III verkoopt aan Jacob van den Werve een nader omschreven perceel van 5 gaarden land in het ambacht Nieuwerkerk (aan den IJssel), welk goed eerder was van de van vredebreuk beschuldigde Troveis Hannekijnsz. die te Delft uit het gevang was ontsnapt.

Wi Willaem^a grave etc. maken cond etc. dat wi^b bi Arnoude van den Dorpe, onsen bailiu van Delfland ende van Scieland^c, vercoft hebben Jacop^d van den Werve vijf garden^e lands legghende int ambocht van der Nuwerkerken^f, die ons ane quamen van Traveyse Hanekijns^g sone die van vredebrake bedreghen^h was ende dair of uyt den stiene liep te Delf, des hebben die drie garden beleghen Jacob Godescalcsⁱ sone op die oistzide ende Jacob Gherards^j van den Werve op die westzide, ende die twie gharden hebben beleghen Voppe Naghel op die oistzide ende Jacob^k Goedscalcs^l sone met ghemeenre voeren op die westzide, om twintich pond Hollands^m dair ons Arnoud van den Dorpe ghenoech of doen zal; wilc land voirscreven wi gheloven Jacob voirs. te waerne als wi van rechte sculdich sien te doene.

In orkonde etc. Ghegheven in die Haghe des zonnendaghes voir halfⁿ meye int jaer ons Heren M CCC XXIX.