Registers van de Hollandse grafelijkheid 1299-1345

Graaf Willem III schenkt jonkvrouw Adele uten Waarde vanwege haar dienst aan zijn dochter de keizerin voor de duur van haar leven 10 pond Hollands jaarlijks, uit te keren door de rentmeester van Noordholland.

Wi Willaem^a grave van Heynnegouwen^b etc. maken^c cond etc. dat wi omme menighen trouwen dienst die joncfrou Adele uten Wairde^d onser dochter der keyserinne ghedaen hevet hoir hebben ghegheven ende gheven met desen brieve tien pond Hollands^e sjaers, den grote over VIII d. gherekent, also langhe als si levet jaerlix in te^f nemen an onsen renten^g van Noirtholland^h; ende ombieden onsen rentemeisterⁱ van Noirtholland^j die nu es of namaels wesen sal dat hi joncfrou ^k Adelen voirs. jaerlix gheve tote^l Kersavond^m also langhe als si levet dese tien pond Hollandsⁿ voirscreven, ende neme jaerlix horen openen brief jeghens ons mede te rekenen. Ende als dese joncfrou Adele van den live ter doet es ghecomen, so willen wi dat dese tien pond voirs. weder an ons jof ane onse nacomelinghe comen.

In oirkonde etc. Ghegheven in die Haghe in sente Matheus daghe int jaer ons Heren M CCC neghen ende twintich.