Registers van de Hollandse grafelijkheid 1299-1345

Graaf Willem III verkoopt aan Willem Arnoudsz. van den Veen het goed in Maasland dat afkomstig is van de voortvluchtige Willem Grietenz. van Delft alias Vierkante Wille, garandeert deze diens bezit tegen eventuele aanspraken van Willem Grietenz. of diens erfgenamen, en beveelt zijn baljuwen, rechters en schepenen van zijn land dat zij Willem van den Veen in diens eigendom handhaven.

Vgl. het volgende nr. NH 411 alsmede nrs. NH 289-292.

Wi Willaem^a grave van Heynnegouwen^b etc. maken cond allen lieden^c. Want Willaem^d Grieten soen van Delf die ghehieten was Viercante Willen^e jeghens onser heerlicheyt^f also mesdaen heft dat hi onse land gherumet heeft ende voirvluchtich is, zoe ^g hebben wi bi Arnoude^h van den Dorpe, onsen bailiu van Delflandⁱ ende van Scieland^j, dat land dat^k Willaem^l Grieten soen voirs. in Maesland hadde ^m, dairtⁿ gheleghen es: Muus^o van den Velde^p op die oist side ende Hanne Paep op die west side, ende dat noirtende streckende an die stede ende dat suit ende an den ghawech, des lands is vier morghen ende ander helft^q hont ende ander half hont in Hanne Papen woninghe^r, ende coft Willaem^s Arnouds^t soen van den Vene, dat ons betailt is in Arns^u rekeninghe van den Dorp^v, die morghen omme IIII lb. Hollands^w, welc land wi gheloven ^x Willame^y van den Vene voirs. ende sine nachomelinghe ende dien^z ghenen diet na hem ^a' hebben sullen te waren ende te vrien van allen comer^b' diere Willaem^c' Grieten soen^d' of sine nachomelinghe op eischen mochten; ende ombieden allen onsen bailiuwen, rechters ende scepen van onsen lande dat si Willaem^e' Arns^f' soen van den Vene voirnoemd in desen eyghendoem houden, ende des niet en laten.

Ghegheven in die Haghe ^g' vridaghes na sente Bertelmeus^h' daghe int jaer ons Heren M CCC^o neghen ende twintich^i'.