Registers van de Hollandse grafelijkheid 1299-1345

Graaf Willem III verklaart dat ten overstaan van hem en van drie met name genoemde leenmannen Albrecht van Voorne, heer van Bergen op Zoom, heeft toegezegd dat wanneer zijn vader heer Gerard van Voorne mocht trouwen, deze diens echtgenote en hun kinderen in het bezit mag stellen van het goed ten oosten van de Maas dat Gerard van de graaf in leen houdt; de oorkonde wordt door Albrecht meebezegeld.

Vgl. het volgende nr. NH 419.

Wi Willaem^b grave etc. maken cond ende kenlic allen luden^c dat voir ons quamen onse lieve neven here Gherard^d here van Voirne, borchgrave van Zeeland^e, ende Alebrecht^{f g}sijn sone, ende worden een drachtich bi onsen rade met horen^h vrien wille dat Alebrechtⁱ voirs. begheerde, bat^j ende consenteerde: wair dat sake dat hair Gherard^k here van Voirne^l, sijn vader voirnoemd, te rade worde met ons ende met anders^m sinen vrienden dat hi wijf name, dat hi die vrouwe lijftoghe mochteⁿ met onser hant ane sinen liene dat hi van ons hevet ende houden sel, gheleghen an die oistside van der Masen, ende die kinder die hi bi hair winne an dien selven liene erven ende an anders al sinen goede dat hi nu ter willen^o heeft an die oistzide van der Mase ende hierna hebben sel.

Ende want Alebrecht^p voirs. dese voirscreven stucken verwilcoirt heeft voir ons in jeghenwoirdicheden onser trouwen^q mannen heren Ghesebrecht^r heere van Yselsteyne^s, heren Jannes^t van Polanen^u ende heren Willaems^v van Duvenvoirde, zo hebben wi omme siere beden willen desen brief bezeghelt mit onsen zeghele. Ende wi Alebrecht^w van Voirne^x, here van Berghen^y op den Zoem, belien ons ende kennen dat wi alle dese voirscreven stucken ghedaen hebben ende gheconsenteert^z bi onsen vrien wille, sonder weder segghen, ende hebbe met onsen lieven here den grave voirnoemd desen selven brief open^a' beseghelt met onsen seghel. Ghegheven ende ghedaen in den Haghe op sente Matheus avond int jaer ons Heren M CCC^o XXIX^o.