Registers van de Hollandse grafelijkheid 1299-1345

Jan van Polanen baljuw van Rijnland, Filips van Wassenaar, Floris van der Boekhorst baljuw van Delfland en van Schieland, Enghebrecht rentmeester van Noordholland, Hendrik heer Dirksz. rentmeester van Kennemerland en van West-Friesland, Jan van der Spangen baljuw van Schiedam en Gerard Alewijnsz. verklaren dat ten overstaan van hen de door graaf (Willem III) vastgestelde financiële afhandeling ten uitvoer is gebracht van de zoen met betrekking tot de te Veere gepleegde doodslag op Gijsbrecht Bokel, Filips van Warmond, Willem Parijsz. van Noordwijk en met name genoemde anderen.

De bovenstaande datering is gebaseerd op de veronderstelling dat de paasstijl is toegepast (zie de Inleiding); gezien de datering van de in het register volgende oorkonde nr. NH 502 is het gebruik van een winterstijl, leidend tot de door Van Mieris genoemde datum in 1331, onwaarschijnlijk.

De doodslagen te Veere vonden plaats in de week vóór 3 mei 1300; zie Burgers, 'Beeld van de adel', p. 471-472; zie ook Van Mieris, ChHZ II, p. 83-84. Vgl. tevens nrs. NH 502-503.

Wi Jan van Pollanen^b bailiu van Rijnland^c, Philips van Wassenair^d, Florijs^e van der Bouchorst^f bailiu van Delfland^g ende van Scieland^h, Enghebrechtⁱ rentmeester van Noirtholland^j, Heynric^k heren Dierix^l sone rentemeester van Kenemairland^m ende van Vrieslandⁿ, Jan van der Spainge bailiu van Sciedamme^o, ende Gherard^p Alewijns^q sone maken cond allen luden dat van dien viertien hondert ponden Tornoyse^r, eenen groten over zestien penninghe Tornoyse^s gherekent, die onse here die grave gheseyt heeft dat men ghelden sal Ghysebrecht^t Boekel, Philips van Warmonde ende anders^u die^v met hem doet bleven ter Vere, ende Willem^w Parijs sone van Noirtike, alsoe als tsegghen houd dat dair of ontfaen hebben, ende ghelovet ende ghesekert voir ons^x ghesamender^y hand op hair lijf^z ende op hair goet dit ghelt na screven te brenghene onder elcs mans maghe die dair doet bleef, alsoe dats onse here die grave ombecroent blive, ende dat ghelt te deelne bi vier mannen uyt elcs mans maechzibbe^a' die die^b' ghemeene maghe dair toe kiesen. Int eerst Enghebrecht^c' Vinke, Willem^d' Vinke, Dieric Eemsen^e' sone ende Jan Katelinen sone ghesamender hand^f' ende in der manieren voirscreven van Jan Vinken doet tachtich pond Tornoyse^g'; item Gherard^h' van Noirtike, Jan Katelinen sone, Willem^i' Vinke ende Dieric Eemsen^j' sone ghesamender hand ende in der selver manieren van Jans doet van Noirtike tneghentich pond Tornoyse^k'; item hair Dieric^l' Boekel^m', Florijs^n' heren Dierix^o' broeder, Ghysebrecht^p' Jan Bodix sone ende Dieric^q' Dierix sone ghesamender hand ende in der manieren voirscreven van Ghysebrechts^r' Hondert^s' ponds doet hondert pond Tornoyse; item Philips Dierix^t' sone, Willem Ludekijns sone, Wiggher^u' Jan Vraets sone ende Ysebrand Ysebrands sone ghesamender hand ende in der selver manieren van Dieric Ludekijns soens^v' doet dortich pond Tornoyse; item Arnoud Jans sone^w' van de^x' Dunen, Arnoud Philips sone van den Dunen, Jan die Muus^y' ende Symon van der Hoeve ghesamender hand ende in der selver manieren van Jans doet van den Dunen tneghentich pond Tornoyse^z'; item Hughe Jans sone, Jacob Jans sone^a'', Hughe Jacobs sone ende Jan Dier ghesamender hand ende in der selver manieren van Hughe^b'' Barthelmeeus^c'' soens^d'' doet tsestich pond Tornoyse; item hair Dieric^e'' Bokel ende Jacob Woubrechts sone ghesamender hand ende in der selver manieren^f'' tghelt te brenghene dairt van rechte sculdich es te comene van Bairtoud^g'' Woubrechts soens^h'' doet, vijf ende twintich pond Tornoyse; item Clais^i'' Parijs sone, Daniel^j'' die Asich, Clais^k'' Maessen sone ende Jonaes^l'' Katelinen sone ghesamender hand ende in der selver manieren van Willem Parijs soens doet tneghentich pond Tornoyse; item hair Dieric^m'' Bokel ende Ghijsbrecht^n'' Bokel ghesamender hand ende in der selver manieren van Philips doet van Wairmonde^o'' drie hondert pond Tornoyse; item jonghe Dieric^p'' ende Symon Dierix sone sijn broeder van Bleyswijc ghesamender hand ende in der selver manieren van Wouter Dierix soens^q'' doet tachtich pond Tornoyse; item Heyne Vriese ende Clais^r'' Betten sone ghesamender hand ende in der selver manieren van Willem^s'' Betten soens doet vijf ende twintich pond Tornoyse, dit ghelt heeft Jan van der Spainge^t'' van horen weghen ontfaen ende selt onder houden ter tijt toe dat sijt hem bet verzeker^u'' hebben toit mijns heren behoef; item Gillijs^v'' Hughen sone, Hughe Gillijs^w'' sone^x'', Hughe Yen sone ende Adaem Arnouds sone ghesamender hand ende in der selver manieren van Hughen doet van Bordendamme dortich pond Tornoyse, die heeft Jan van der Spaingen^y'' ontfaen ende salse onder houden ter tijt toe dat hier beter^z'' zekerhede of hevet. Dit comt in summe dat van desen zoenen betailt is tien hondert pond Tornoyse. Dus blivet Ghysebrecht^a''' Bokel noch onvergouden, die gheseyt es te gheldene vier hondert pond Tornoyse; ende die worden gheboden heren Dieric Bokel ende sinen vrienden, ende hine wilder^b''' niet ontfaen eer onse here die^c''' grave te lande quame ende hine^d''' ghesproken hadde; mair hi verliede hem dat hi die zoene houden wilde.

Ende om dat wi alle hier over gheweset hebben, zoe hebben wi in kennissen der wairheyd desen brief open beseghelt met onsen zeghelen. Ghegheven in die Haghe des donresdaghes na onser Vrouwen dach ter lichtmissen int jair ons Heren dusend drie hondert een ende dortich.